Proverbios 6:12 - Biblia Dc en Mixe de Quetzaltepec

¹² Mëti'ipë ja'aykupojën ets ëxëëk ja'ay'ajtpën, aakjä'ä nyimëtyäkpy ka'apë tyiyajtënëtyën;

Biblia Mixe de Quetzaltepec

¹² Mëti'ipë ja'aykupojën ets ëxëëk ja'ay'ajtpën, aakjä'ä nyimëtyäkpy ka'apë tyiyajtënëtyën;

Proverbios 6:12 ပူးပေါင်းရင်းမြစ်များ

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

Proverbios 16:27

Yë ëxëëk ja'ay jëtu'un tä tu'uk yë tsijtkën ma tsajpkääky kyi'iyën mëti'ipë ujtsën mëët ja ëxëëkpë. Yë'ëpaat ko y'iy kyäjpxy no'kpëm yajjawë tä jëënyä'änkën.

Proverbios 4:24

Këtii xykyajpxëty yë aaw ayuk mëti'ipë ka'ap myëtëyëtyën, ets ni mka''anta'akëty.

1 Timoteo 5:13

Näy tää ja'ay jyëtitë winjëën wintëjk mëti'ipë nuuxëtyën ets ka'ap je'eyë nyuux'atë, nän pi'itskajpxtëp, xii yaa muum nyakuye'ey nyakunaxëtë ets wi'ix kawi'ixëty y'ëna'antë.

Hechos 20:30

Näy tam jënaakën ma miitsëtyën mëti'ipë nëjkx wyin'ëënyën ets jëtu'un yaj'ixpëka'any ets ja mëpëjkpë pyanëjkxëtëty.

Proverbios 17:4

Yë ëxëëkja'aytyëjk ets mëti'ipë je'eyë win'ë'ëntëpën, janty'oy tmëtowtë yë ëxëëk aaw ëxëëk ayuk.

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Salmos 59:7

Je'eyë o'pky pyëtsëëmnë ma y'aawëtyën, ko kyajpxtë tä ëxëëk yajmëtoyën, ets y'ëna'antë: Ka'ap ma pën, pën xy'ëkmëto'owmëp.

Santiago 3:6

Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Proverbios 11:6

Yë nipaye'eyën yaj'ëwaatsëpëtsëëmp yë oyjyä'äytyëjk, e mëti'ipë winë y'atsojkpyën ëxëëk tmëjaty.

Proverbios 6:14

Ja jyot wyinma'any ëxëëk yajpaaty, aakjä'ä myääpy tyäjpy wi'ix winë ëxëëk tunëtyën ets wi'ix pën tyajjoot'anpëkëtyën.

Proverbios 2:12

Yë'ë myajtso'okëtëp ma ëxëëk në'ë ëxëëk tu'ujën, ets ma ja'ayëtyën mëti'ipë ëxëëk yë jyot wyinma'anyëtyën,

Salmos 36:3

Ëxëëkjatyëty yë aaw ayuk tyajpëtsëmy ets antakp, të tyajtëkooynyë yë y'oyjyot y'oywyinma'any ets ka'ap tii oy t'ëktuunë.

Salmos 10:7

Ko kyäjpxy oy yajpojknë y'ënä'äny, aakyë'ë ka'apë myëtëyëtyën ets ëtsu'uxyaxp; ujts yajpaaty ja jyot wyinma'any mëët ja ëxëëkajtën.

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Santiago 1:21

Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.

Jeremias 24:2

Tu'kkatsy yaj'ixy oyëty ja higo tëëm, yë'ë mëti'ipë më''ëka'any tsaamë'kpën ets tu'kkatsy yaj'ixy ka'apë y'oyëty, ka'ap tjëkyepy wi'ix pën tjë'kxëty.

1 Samuel 17:28

E ja Eliab, ja David ja y'äjty kyopk, ojts tmëtoy ko ja David jëtu'un myëtyä'äky mëët ja ja'ayëty ets ojts tyukjoot'anpëkyë tä y'ënëmaayë: ¿Tii yaa të xynyiminy mijts David? ¿Pën të xytyukmë'ëxmatsë jam të'ëts'itum ja tu'ukpë mäjtskpë ja tsajppax ets ja kupixyny mëti'ipë jaakjamën? Ëjts wa'atsës nijawë ko mijts yi'iyë mëtijtyp nämyëjkäxë winma'any, paaty yaa atu'uk të mminy ets mtsip'ixa'any.

Proverbios 10:32

Yë wa'ats ja'ay aakyë'ë kyäjpxy oypyë; yë ëxëëk ja'ay aakyë'ë kyäjpxyp tëkatsypë.

Salmos 101:3

Nijëna'ajës yë ëxëëkpë tëkatsypë nkatuk'ijxpäta'any maas winë ntuna'anyën. N'ëxëëk'ijxypyës yë ja'ay mëti'ipë ka'ap yë Dios oy tmëtunyën; Ka'apës nkupëka'any etsës xymyëwinkontëty.

Proverbios 3:32

jä'ä ko yë Dios nijënu'un tkatimtsyoky yë ëxëëkja'aytyëjk, e ja ja'ay mëti'ipë oyjyä'äy'ajtpën yajxon tjantytsyoky tjaantyjyawë.

Proverbios 16:30

Je'eyë wyinme'eky ko pën wi'ix tuna'any; je'eyë nyäyä'äntsu'utyë ko tëë tyuuntëkoy.