Proverbios 5:21 - Biblia Dc en Mixe de Quetzaltepec

²¹ Yë Dios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Biblia Mixe de Quetzaltepec

²¹ Yë Tios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Proverbios 5:21 ပူးပေါင်းရင်းမြစ်များ

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Job 14:16

Tyam maas je'eyë xy'ix'ixy xypya'ixyën wi'ixës nnaxy ntëkën, ko jeexyë y'ëkjëtu'un'aty ka'apës jeexyë nnëë mpoky xy'ijxë;

Job 24:23

Dios yë'ë yajjuuky'ajtëtëp akujk jotkujk, je'eyëp ko ijxëtëp wi'ix nyë'ëye'ey tyu'uye'eytyën.

Job 31:4

¿Ëkë jä'ä ko ka'ap yë Dios t'oy'ixy mëti'ipës ntuunpyën ets ka'ap t'ijxpaaty wi'ixës nye'ey nnaxyënë?

Job 34:21

Dios wa'ats t'ixy tuny wi'ixjaty ja'ay nyë'ëye'ey tyu'uye'eyën ets nyija'ap wi'ix nyäxy tyëkën.

Salmos 11:4

Yë Wintsën xëmë jam yajpaaty ma tsyajptëjkën. Yë Wintsën jam yë kyutujktakn tmëët'aty tsajpjotm ets kë'ëm t'ijx'ity yë naaxwiinyëtë ja'ay.

Salmos 119:168

Ëjts nmëmëtoopyës yë m'ënä'ämën mtëyajtën ets m'ënä'ämën mkutujkën: Mijts wa'ats xynyijawë wi'ixës tii ntunyën.

Salmos 17:3

Mijts mnija'ap wi'ixës nmay ntajyën; oy kyootsëty wa'atsës xy'ixy, jëtu'unës mijts xyajtooywyä'ätsy tä ja'ay pu'ts pujxn tyajtooywyä'ätsyën ets ka'ap tii ëxëëkpë të xypyääty ma ëjtsën. Ka'apës nijëna'a tii të nikäjpxy mëti'ipë ka'ap nyimëtyaknëtyën.

Proverbios 15:3

Yë Dios, tää yajpaaty oy tyimmaajëty, y'ijxyp oyjyä'äy ets ëxëëk ja'ay.

Proverbios 4:26

Yajxon xytyim'ixëty ma mnaswa'akën, jëtu'un jotkujk mnë'ëye'ey mtu'uye'eyëty.

Proverbios 5:6

Yë'ë ka'ap tmëmay tmëtajy yë juukyajtën, ni yë'ë tka'ixy tkatuny pën ma jëtu'un yajpaaty.

Jeremias 16:17

Jä'ä ko wa'atsës n'ijxtaay ntuuntaay tiijaty tyuuntëp kyajpxtëpën ëxëëkjaty; nitii kyayu'utsy'ity ma ëjtsën, ni yë'ë nyëë pyokyëty tkajëkyepy tkuyu'utstëty.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Jeremias 29:23

Jëtu'un nëjkx mjatë mkëpätë ko ënety ëxëëk winë të xytyuntë jam Israel: ko ojts ka'ap ja mto'oxytyëjk xywyintsë'ëkëtë ets xymyëët'ajnëtë ja mjëëky mmëku'uk ja tyo'oxytyëjkëty ets ojts winë xynyikajpxtë ëjts nxëëwkyëjxmës ka'apë myëtëyëtyën mëti'ipë ënety ka'ap të ntuk'ënä'ämtën. Ëjts nija'apës yë'ë yajxon ko jëtu'un m'ëtëtstë m'ënantë. Ëjts Wintsën, ëjts ënaanp.

Jeremias 32:19

Mëj këjää winë xynyimay xynyitajë ets ko tii xytyuny mëët yë mëk'ajtën ets kuttujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

Oseas 7:2

Yë'ë ka'ap tmëmay tmëtajtë ko nja'amyejtsypës yë pyokyëty. Tyam kë'ëm nyätyu'u'ëtukëtë ko winë ëxëëk tuntë ets ko xëmë n'ixyës yë nyëë pyokyëty.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Apocalipsis 2:18

Nnijayë yë tsajpjotmëtë kukäjpxy jampë yajpaatyën Tiatira: Jëtu'un y'ënä'äny ja Dios U'unk, mëti'ipë ja wyiin jëtu'un këxë'kpën tä jëënyä'änkën ets ja tyeky tä ja tsuxkpujxnën mëti'ipë ajajpën.