Proverbios 5:11 - Biblia Dc en Mixe de Quetzaltepec

¹¹ E ko mijts tëkatsy winë xytyuunpëty, kë'ëm nëjkx ëxëëk xyjyaja'awënë ko ënät ja mjot mnini'kx ëtyä'äkyë'äämpy kyukëjxënë,

Biblia Mixe de Quetzaltepec

¹¹ E ko mijts tëkatsy winë xytyuunpëty, kë'ëm nëjkx ëxëëk xyjyaja'awënë ko ënät ja mjot mnini'kx ëtyä'äkyë'äämpy kyukëjxënë,

Proverbios 5:11 ပူးပေါင်းရင်းမြစ်များ

Proverbios 2:19

Mëti'ipë jam tëjkëtyëpën ma ja jëtu'unpë ja to'oxytyëjk ja jyëën tyëjkën, ka'ap nijëna'a y'ëkwinpijnëtë, nijëna'a jam kya'ëknajxnëtëty ma ja në'ë aaw tu'u aawën mëti'ipë ja juukyajtën tukpatpën.

Proverbios 5:10

këtiipë yë ëxëëkja'aytyëjk yë'ë tjë'kxtëty tpëktëty mëti'ipë mijts të xynyitunën ets të xyajnimëjaawtä'äkyën.

Proverbios 5:12

ets nëjkx mja'ënanë: Wi'ixës ko ojts n'ëkjëjpmëkajpxëpë ja näkyajpxtë'ëwën, wi'ixës ko ojts nkatunyë këwentë ja näwyijtswinpitë.

Proverbios 7:23

ets ok ja jyuukyjot yajtukuumnaxy, jëtu'un tä tu'uk yë joon kyukääkën xuumyjoty ka'apë tnijawë y'ooka'any.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Deuteronomio 32:29

Kooxyëp jeexyë y'ëkwijy'atë ets oy winë tmëmay tmëtajtë; wyinja'awëtyëp jeexyë ma jya'ta'antën ma ka'ap oy jyuuky'atëtyën.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.