Proverbios 4:26 - Biblia Dc en Mixe de Quetzaltepec

²⁶ Yajxon xytyim'ixëty ma mnaswa'akën, jëtu'un jotkujk mnë'ëye'ey mtu'uye'eyëty.

Biblia Mixe de Quetzaltepec

²⁶ Yajxon xytyim'ixëty ma mnaswa'akën, jëtu'un jotkujk mnë'ëye'ey mtu'uye'eyëty.

Proverbios 4:26 ပူးပေါင်းရင်းမြစ်များ

Salmos 119:5

Jääpëkës jeexyë janty mëk xëmë n'ëkyajpaaty etsës jeexyë ja mtëyajtën npatuunta'ay.

Salmos 119:59

Ënätës të nmëmay të nmëtajy wi'ixës winë ntunyën, täätsës jatëkok të n'ëna'any ni'ik jaak'oy yowë koos yë m'ënä'ämën mtëyajtën nkuuytyunëty.

Salmos 37:23

Yë Wintsën yë'ë naaxwiinyëtë ja'ay yajtu'uye'epy, ets yë'ë tyu'uwinwoopy ma tsojkën'atyën;

Salmos 40:2

tëës xyajpëtsëmy jap o'kpëjutjoty, nëëjoty mo'ontsjoty. Jamës të xyajwa'kta'atsy tsaakëjxm ets ta'tspëky të nwa'ak'oyës.

Proverbios 15:21

Yë tsuuja'ay tyukxoontäkpy ko tsyuujëty; e wijyjyä'äy, kë'ëm tyaj'oyë ma winë oy të tkatunyën.

Proverbios 21:29

Yë ëxëëk ja'ay jëtu'un kë'ëm nyäjyawëty oy yowë winë tuny, yë oyjyä'äy wa'ats nijawë ko oy winë tuny.

Proverbios 23:19

U'unk maay, ja'akyukë ja aaw ayuk ets winë yajxon xyjyatëty. Yë'ë jëtu'un mëmay mëtajëp xëmë ja në'ë tu'u oypyë ets yë'ë xypyanëjkxëty.

Proverbios 4:25

Mëj këjää ja mwinma'any xyajjëtitëty, ets jëtu'un akujk jotkujk mnaxëty mtëkëty.

Proverbios 5:21

Yë Dios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Proverbios 5:6

Yë'ë ka'ap tmëmay tmëtajy yë juukyajtën, ni yë'ë tka'ixy tkatuny pën ma jëtu'un yajpaaty.

Ezequiel 18:28

Ko wyinma'anypyaatëty ets t'ëxmatsëty yë ëxëëk në'ë ëxëëk tu'u, tääpë ja'ay juuky'ataanp yë'ë ets ka'ap y'ooka'any tyëkoyä'äny.

Hageo 1:5

Ëjts Wintsën, mëti'ipë maaytyääyëpën winë, jëtu'unës n'ëna'any: ko yajxon xymyëmay xymyëtajtëty wi'ix mmaytyën mtajtën.

Hageo 1:7

Ëjts Wintsën, mëti'ipë maaytyääyëpën winë, jëtu'unës n'ëna'any ko yajxon xymyëmay xymyëtajtëty wi'ix mtuntën mkajpxtë.

Efesios 5:15

Paaty nëëmëtë niwijy nikejy winë xytyuntëty. Ka'ap jëtu'un mjuuky'atëty tä tsuuja'ayën, wijy kejy myajpaattëty.

Efesios 5:17

Këtii tsuu poj tii xytyuntëty xykyajpxtëty, yë'ë mja'akyukëtëp mëti'ipë ja Wintsën tsyojkpyën.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

Hebreos 12:13

ixta'atë ja tëytyu'u ets tsyo'okëty ja teky mëti'ipë ma'atën ets ka'ap ni'ikyë nyäwëty.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.