Proverbios 4:10 - Biblia Dc en Mixe de Quetzaltepec

¹⁰ U'unk maay, mëtoow'it yë n'aaw n'ayukës, mijts jä'ä'at ets jëtu'un jeky mjuuky'atëty.

Biblia Mixe de Quetzaltepec

¹⁰ U'unk maay, mëtoow'it yë n'aaw n'ayukës, mijts jä'ä'at ets jëtu'un jeky mjuuky'atëty.

Proverbios 4:10 ပူးပေါင်းရင်းမြစ်များ

1 Tesalonicenses 2:13

Paatykyëjxmës xëmë ja Dios nkukajpxëtë, jä'ä ko miits xymyëtowtë ja Dios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Dios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Dios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

Proverbios 3:2

jëtu'un jeky mjuuky'atëty ets myajpaatëty xëmë jotkujk.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Jeremias 9:20

Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Proverbios 3:16

Ja wijyjyä'äy pyätyp ja juukyajtën mëj këjää, ets näjyëtu'un ja wijyjyä'äy pyätyp ja wit meeny mëj këjää.

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.

Proverbios 8:10

Yë'ë wijyajtën jëtu'un jawëtë, tä yë pu'ts pujxn ets poop pujxn.

Proverbios 19:20

Ja'akyukë ja näy'ëëwij näkyajpxwijë ets kupëk ko ënety pën mtuk'ënë'ëmxëty ma winë oy xykyatunyën; jëtu'un xyajkëxë'ëkëty ko ënety mwijyëty.

Proverbios 2:1

U'unk maay, mijts jä'ä'at yë n'aaw n'ayukës. Pëjkë'ëk ma mjot mwinma'anyën yë n'ënä'ämënës ntëyajtënës.

Job 22:22

Wä'än yë'ë mtukni''ixëty winë, jap mjootjoty mwinma'anyjoty pëjkta'ak yë y'aaw y'ayuk.

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.

Deuteronomio 11:21

Jëtu'unts miitsëty ets ja m'u'unk m'ëna'këty nëjkxëp jeky mjuuky'atë ma ja it naaxwiinyëtën mëti'ipë ja Wintsën tyukwinwa'anëyën tmo'oja'any ja m'ap m'okëty, jëtu'un tä ja tsajp ets ja naaxwiinyëtë jeky y'ijtëwtën.