Proverbios 31:9 - Biblia Dc en Mixe de Quetzaltepec

⁹ Nikajpxtu'ut ets nipaye'ey; kuwa'an yë ëyoopëja'ay ets mëti'ipë yu'unk naxym ja'ay'ajtpën.

Biblia Mixe de Quetzaltepec

⁹ Nikajpxtu'ut ets nipaye'ey; kuwa'an yë ëyoopëja'ay ets mëti'ipë yu'unk naxym ja'ay'ajtpën.

Proverbios 31:9 ပူးပေါင်းရင်းမြစ်များ

2 Samuel 8:15

Yë David oy ojts y'ëne'emy ets yajkutuky, jä'ä ko aak mëtëy winë tuuny jam ma Israel kajpnën.

Job 29:12

jä'ä ko nputëjkëpës ijty yë ku'ooky u'unk ets ëyoopëja'ay, ja ja'ay mëti'ipë ijty ka'ap pën pyutëkëtyën.

Salmos 82:3

Yë'ë nipaye'eytyë mëti'ipë mon tuk yajpatpën ets mëti'ipë ku'ooky u'unkën. Nipaye'eytyë yë'ë mëti'ipë ëyoop jotëkoopyën ets mëti'ipë winë kakajtxëyëpën.

Proverbios 16:12

Yë yajkutujkpëtëjk ka'ap oy t'ixtë ko yë ja'ay ëxëëk y'ëti'itsy y'ënä'äny, tu'uk yë kutujktakn ënät oy yajpaaty pën jam'ajtp nänyipaye'eyë.

Proverbios 20:8

Ko tu'uk yë yajkutujkpë tpaaty ja kyutujktakn je'eyë ko wyiinme'eky tääts tyaj'atëkoy ja ëxëëkpë.

Proverbios 29:7

Yë wa'ats ja'ay myëmääpy myëtäjpy yë ëyoopëja'ay wi'ix mëpaat jyuuky'ätyën ijxtëm pyäätyën, e yë ëxëëk ja'ay nijënu'un jëtu'unpë tkamëmay tkamëtajy.

Isaías 1:17

Jatë wi'ix ja oypyë xytyuntëtyën, ja mëtëypyë jä'ä mtuntëp, putëkëtë mëti'ipë ëxëëk yajtuuntëpën, nipaye'eytyë ja ku'ooky u'unk, pa'ëyow najts'ëyowëtë ja ku'ookpyë to'oxytyëjk.

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Isaías 11:4

Nyipaye'eyäämpy ja ja'ay mëti'ipë yajpatëpën ëmaay paki'ix ets kyuwa'anäämpy ja ëyoopëja'ay ets ja mëti'ipë patëtëpën.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Jeremias 5:28

je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Zacarías 7:9

Ya'atës yam ni'ënä'ämëp: Ko miitsëty mëtëy winë xynyipaye'eytyëty ets oy mja'ay'atëty, mëët'atëp yë pa'ëyo'owën najts'ëyo'owën nixim niyam.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Juan 7:24

Ka'ap tii nitsuu nipoj xypyaye'eytyëty. Mëtëy winë xypyaye'eytyëty.

Deuteronomio 1:16

Ënätës näjyëtu'un ntuk'ëwa'anëtyë, tii mëpaat tuntën ets n'ënëmaaytyës: Miits mëtoow'itëp, tii y'amay'ajt jyotmay'ajtëp. Nipaye'eytyë ma amay jotmay tpaatën, wä'än yë'ëjëty yë kunaax kukajpn ets wä'än yë'ëjëty jaaypyaat jaaypyo'kxy.

Hebreos 1:9

Ko mijts të xytsyoky ja oypyë ets të xy'ëxëëk'ixy ja ëxëëkpë; paatykyëjxm ja Dios mijts të mwin'ixyë, mëti'ipë mTios'ajtypyën, ets të mmo'oyë wäänëni'ik ja xoontakën këtiinëm ja mmëku'uktëjk.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

1 Samuel 19:4

Ets Jonatán oy ojts nimëtyä'äky ja David ma tyeetyën, jëtu'un, t'ënëmaay: Yajkutujkpë, jëtu'unës nja'ënaanpë ko ka'ap yowë y'oyëty ko mijts tëkatsy mmay mtajy ma Davidjën, jä'ä ko yë'ë ka'ap maa tmëtuuntëkoy yë yajkutujkpë, ni'ikyë oypyë mtukmëtunyë.

1 Samuel 20:32

Tä yë Jonatán y'ëtsooy: ¿E tiits ko y'ookëty? ¿Tii të tuuntëkoy?