Proverbios 31:30 - Biblia Dc en Mixe de Quetzaltepec

³⁰ Yë to'oxytyëjk janty oypyë kyëxë'ëkyën, nëkoopë je'eyë ijxën tmëëtëty ets nëkoopë nnätyukwin'ë'ënëmëty, ja to'oxytyëjk mëti'ipë myëjpëjktäkpyën yë Dios, patëp yajmëjpëjkta'akëty.

Biblia Mixe de Quetzaltepec

³⁰ Yë to'oxytyëjk janty oypyë kyëxë'ëkyën, nëkoopë je'eyë ijxën tmëëtëty ets nëkoopë nnätyukwin'ë'ënëmëty, ja to'oxytyëjk mëti'ipë myëjpëjktäkpyën yë Tios, patëp yajmëjpëjkta'akëty.

Proverbios 31:30 ပူးပေါင်းရင်းမြစ်များ

Proverbios 1:7

Yë wijyajtën yë'ë mëët tsyo'ontä'äky ko nwinkutsë'këmëty yë Dios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Proverbios 11:22

Jëtu'un tä tu'uk pu'ts pujxnkë'ëjiitsën mëti'ipë jam ijtpën ma ëtsëm yë jyëjpën, jëtu'un yë to'oxytyëjk nyäxy mëti'ipë këxë'kpën oy ets ka'ap yajxon winë tmay tajy.

1 Pedro 1:24

Jä'ä ko jëtu'un ja Dios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Salmos 147:11

mëti'ipë tyukjotkëtäkpyën yë'ë ko pën wyintsë'ëkëty ets myëmëtoyë, ets mëti'ipë tyuk'ijxpäjtëpën ja tsyojkën jya'awën.

Proverbios 6:25

Këtii xykyupëkëty ets yë'ë mwin'ëënëtëty ko oy kyëxë'ëky. Këtii xykyupëkëty ets yë'ë mtukyajka'ajëtëty ko janty'oy wyintë'kxy.

2 Samuel 14:25

Ma tëkokyë yë Israel kajpn tnitänën, ka'ap ënety maa ja'ay jëtu'unpë y'oyëty tsyujëty tä yë Absalonkën ets jëtu'unpë akäjpxy y'ityën tä yë'ëjën ka'ap nitii ma'at yaj'ixy, tsyo'ontä'äky ma tyekyën ets jyëjpkëxy ma kyëpajkën.

Santiago 1:11

Ko ja xëëw pyëtsimy ets mëk jyajtä'äky, ënät ja ujts tyi'itsy, ja pyijy kyä'äy, jëtu'un ja y'oyajtën tyëkoy. Näyjyëtu'un ja kumeenyjyä'äy jyäty ma wyit myeenyën.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Romanos 2:29

Yë'ëkyëjxm ja ja'ay mëtëy jyutiis'aty ko oy ja y'aaw jyot, pën ja ijxwë'ëmën myëët'ajtyp mëti'ipë ja Kënu'kxymyëkajtën mooyëpën, ka'ap yë'ëkyëjxmëty ko ja ënä'ämën jyää'aty. Pën myëët'ajtypyën ja oyjyot oywyinma'any, yë'ë ja Dios oyjya'awëyëp, ka'ap jyä'äyëty.

Ezequiel 16:15

Je'eyëp ko mijts yi'iyë ojts xytyuk'ijxpety ja m'oy'at mtsuj'at ets ko aak'oy ja ja'ay mnikäjpxy mnimëtyä'äkyë; ka'apës të xy'ëkwintsë'kënë, tëë m'awinpijnë tä tu'uk yë to'oxytyëjkën mëti'ipë xim yam yë ye'etyëjk myëët'ajtypyën.

Eclesiastés 7:18

Oy ko tii ta'tspëky nmajtsmëty ets ka'ap nmajtstutmëty. Mëti'ipë ja'ay jyä'ämyejtsypyën yë Dios aak'oy winë wyimpëtsë'ëmxëty.

Salmos 112:1

Tukxoontä'äky mëjjawë yë Dios yë xyëëw nyaxëty. Jotkujk yë ja'ay yajpaaty mëti'ipë wyinkutsë'këpën yë Wintsën, ets jotkujk nyäjyawëty ko tpatuny ja y'ënä'ämën tyiyajtën.

Proverbios 11:16

Yë to'oxytyëjk mëti'ipë oy määpy tajpën, kumay nyäxy, yë naaxwiinyëtë ja'ay mëti'ipë pe'tymyën, pyätyp winë mëj këjää.

Proverbios 22:4

Yë yu'unk'ajt naxym'ajtën ets ma Tiosën, yë'ë myëmiinpy yajmiimpy yë kuwit'ajt kumeenyajtën, jotkujk'ajtën ets ja juukyajtën.

Proverbios 31:29

Yë to'oxytyëjk tää kanaak jyätyë mëti'ipë oyëtyën, e mijts jaakni'ik m'oyëty këtiinëm jyëtu'un'atë ja wiinkëtypë ja to'oxytyëjktëjk.

Proverbios 31:31

Mëjpëjkta'aktë jëtu'unpë ja to'oxytyëjk ma ja naax kajpnën. Tukmëjjawëtë ko winë oy tuny.