Proverbios 31:26 - Biblia Dc en Mixe de Quetzaltepec

²⁶ Niwijy winë tkäjpxy tmëtyä'äky, ets jä'ä yaj'ixpëky mëët tu'uk ja tsojkën ja'awën.

Biblia Mixe de Quetzaltepec

²⁶ Niwijy winë tkäjpxy tmëtyä'äky, ets jä'ä yaj'ixpëky mëët tu'uk ja tsojkën ja'awën.

Proverbios 31:26 ပူးပေါင်းရင်းမြစ်များ

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

Proverbios 16:24

Ko ja'ay oy xyony y'ity, jëtu'un yajjawë tä uuxpa'akën. Tyimyajpa'akëtyääpy yowë jot winma'any, ets tyimyaj'ajä'ämëp yajjawë jot mëjaaw.

Proverbios 10:31

Ko kyäjpxy yë wa'ats ja'ay, aakyë'ë kyäjpxyp mëti'ipë niwijyën; e yë ëxëëk ja'ay ni pën kyayajkajpxa'anyë.

Proverbios 12:18

Tää yë ja'ay mëti'ipë tsaatsy ma'at ëëp kajpxpën; e ko kyajpxtë yë wa'ats ja'aytyëjk, yë'ë jatëkok winë yaj'o'oyëtëp.

Colosenses 4:5

Oy mja'ay'atëty mëët ja ja'ay mëti'ipë ka'ap Kristë tmëpëktën. Yajtuunk'paatë ja xëëw.

Proverbios 25:15

Ko ja'ay y'ëwxity myä'kxtuky yajxe'empy yë äkë. Ko ja'ay oy tsuj xyony y'ity yajjotujkpy ja'ay mëti'ipë kujuunën.

1 Pedro 3:1

Näyjyëtu'un miitsëty to'oxytyëjkëty, mëmëtowtëp ja mniye'etyëjkëty; ets jëtu'un, pën jam pën ka'ap ja Dios ja y'aaw y'ayuk tmëpëky jyëkyejpy myëpëkëty, ko t'ixëty oy winë yajtuny, ets ka'ap kyopkpëkyëty yajmëëtmëtya'akëty,

Malaquías 2:6

Yë Leví mëtëy ijty jyuuky'äty ets ka'ap nëkoo ëxëëkjaty kyäjpxy myëtyäky. Oy ijty jyuuky'äty ëjts nwintuuyës ets may yë ja'ay tputëjkëy ets tyaj'oyëtëty yë jyuukyajtën.

Jueces 13:23

E ja tyo'oxytyëjk tyaa ja y'ëtsooy: Kooxyëp yë Wintsën jeexyë xyaj'ooka'anëmë, kajxyëp të tkupëky yë wintsë'kën mëti'ipë të nmo'oyëmën, ka'ap jeexyë yë myëj'ajtën të xytyuk'ijxëmë ets ka'ap jeexyë tii të twinwanë.

Ester 5:8

Pën yë yajkutujkpë janty ënaanp koos xytsyoky xyjyawë, pën ënaanp ko xymyo'oja'anyës tiijës ntimy'amëtoopy, yë'ëjës yam jatëkok n'amëtowäämpy ets yajkutujkpë mëët yë Amán jam jatëkok myinëty ma wiinkpë ja ka'ayën ukën nnipëjktaakënës, ma jatëkok nnixëëtuna'anyën mijts yajkutujkpë. Jäänëmës nikajpxëty mëti'ipës yë yajkutujkpë xy'amëtoopën.

Hechos 18:26

Tääts ja Apolo ojts ja Dios ja y'aaw y'ayuk amëk jotmëk tnikajpxtso'onë jam tsajptëkotm. Ko ja Priscila ets ja Aquila tmëtoowtë, tää ojts ja Apolo twowtë ma tyëjkën ets ja Dios ja nyë'ë tyu'u wäänë kä'pxy tjaaktuk'ëwa'anëtyë.

Hechos 6:15

Tam ënety jëtu'un y'ëna'antë, ko ja yajjuntë'ajtpë t'ijxtë ko ja Esteban ja wyiin jyëjp tyë'kxpëky ijxtëm ja Dios kukäjpxy.

Lucas 1:38

Tääts ja Maria y'ënäny: Wintsënës ëjts nmëtuumpy, wa'an jëtu'un tunyë tjatyë ijxtëm ja Dios të tuknipëjktaakën ma ëjtsën, ijxtëm të xynyëëmënës. Ënet ja tsajpjotmëtë kukäjpxy ojts nyëjkxnë.

Cantares 4:11

Mijts to'oxytyëjk, mëti'ipës mpëkäämpyën, ma mwiin m'aaw jam yë uuxpa'ak myuuty. Jëtu'un yajjawë uuxpa'ak ets tsi'tsknëë yowë jap pëtsëëmp myä'änpa'tkë'p. Jëtu'un tä yë Líbano it pya'akxuukyën jëtu'un pya'akxuuky yë mwit.

Cantares 2:14

Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.

Ester 4:4

Ja to'oxytyëjkëty mëti'ipë pyutëjkëtyëpën ja yajkutujkpë Ester ets ja ye'etyëjktëjk mëti'ipë ijx'ijt këwent'ajtëpën, ojts ja Ester tuk'ëwaanëtë mëti'ipë ënety jap tuunëpën jajtëpën tëja'p. Ënet ja Ester jyotmaytyëjkëy ets tyëjkëy moonpë tujkpë, ojts tkexy ja wit ma ja Mardoqueo ets tjänëty ja wyit mëti'ipë kuumpën u'kxpën. E ja Mardoqueo ka'ap t'a'ijxëy.

Proverbios 31:27

Wa'ats oytyuny xëmë ja jyëën tyëjk tyaj'ity, ets jä'ä nyijuuky'äjtyp mëti'ipë nyitu'un nyiye'eyëpën.

Proverbios 19:14

Yë taak teety yë'ë yajktëp ja jëën tëjk ets wit meeny, e Dios yë'ë yäjkpy kutëjk wijypyë.