Proverbios 31:22 - Biblia Dc en Mixe de Quetzaltepec

²² Kë'ëm t'oytyuny yë kyoy pyä'än, ets aakyë'ë yajtuunpy oyëtypë ja wit tujkxy.

Biblia Mixe de Quetzaltepec

²² Kë'ëm t'oytyuny yë kyoy pyä'än, ets aakyë'ë yajtuunpy oyëtypë ja wit tujkxy.

Proverbios 31:22 ပူးပေါင်းရင်းမြစ်များ

Apocalipsis 19:8

Dios tëë tyajkutuky ets ja jyä'äy nyäxyoxëtëty mëët ja oywyit poopë mëti'ipë ajajp atë'kxpën. Ja oypyë poop wit, yë'ë jëtu'un yajtijp mëti'ipë tyuuntëpën ja Dios ja nyaax kyajpn.

Proverbios 7:16

Maas yë nmaapäjnën tëëjës ntukwinye'epy tu'uk yë wit janty oypyë mëti'ipë jap kojpën Egiptë,

Génesis 41:42

ënät ja yajkutujkpë nyätyukë'ëji'tstutë ja kyë'ëjiits, mëti'ipë ënety myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

Apocalipsis 19:14

Ets ja tsiptuunpëtëjk tsajpjotmëpë pyaye'oyë, janty oyëty ja wyit yaj'ixtë, janty poopëty, janty wa'atsëty ets aak poop këwaaykyëjxm y'u'unyëtë.

1 Pedro 3:3

Ka'ap yë'ëjëty oy xy'ixtëty ja nëkëjxypyë, wi'ix ja waay yajkaaxyën, tä ja pu'ts pujxnën ëkë ja wit tujkxy oyëtypë,

Ester 8:15

Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Jueces 8:26

Tu'kë'ëyë ja kë'ëjiits ko ojts yajkijpxy jä'ä pyëtsiimy majkmokx taxk tsim mëti'ipë aak pu'ts pujxnën, ëpëky ja maypyë mëti'ipë ka'ap pyu'tspujxnëtyën ets ja witëty tujkxyëty oyjyätyëtypë mëti'ipë ja yajkutujkpëtëjk ijty myëët'ajtëpën jampë yajkutujktën Madián ets näjyëtu'un ja yo'ktëyëty mëti'ipë jëyujk jëku'ux myëët'ajtëpën.

Ester 5:1

Kom tëkëëk xëëw ojts ja Ester nyäxyoxyë mëët ja wit tujkxy mëti'ipë to'oxytyëjktëjk wyit'ajtëpën mëti'ipë nyiye'etyëjk'ajtëpën ja yajkutujkpë ets ojts tninëjkxy ja yajkutujkpë jam ma yajkutukyën. Jap nyäjxy tëjkwiiny, jap wya'ak'a'awëy wintuuytsyow ma ja yajkutujktaknën.

Lucas 16:19

Jam ijty tu'uk ja kumeenyjyä'äy, xoxy pëky, oytyuny, aak winjemy nyäxyoxyë ets xëmë ka'ayën ukën mëj nipëjktaakë.