Proverbios 30:9 - Biblia Dc en Mixe de Quetzaltepec

⁹ Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Biblia Mixe de Quetzaltepec

⁹ Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Proverbios 30:9 ပူးပေါင်းရင်းမြစ်များ

Oseas 13:6

E ko miitsëty ja mjë'kxy mpëky may xymyëët'ajtë ets nyatëjkëy, amëj akëjxm ojts m'aaw mjot xyjyawëtë ets xyjyä'äytyëkoytyës.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Mateo 26:74

Ënet ja Pedro kanaak ok y'ënäny: Ka'apës tääpë ja'ay n'ixy'äty. Ënet ojts tu'uk ja këtseynyë'aaw yaaxë'ëky,

Mateo 26:72

Tääts ja Pedro y'ëtsoowkojnëpë: Tääpë ja'ay ka'apës n'ixy'äty.

Josue 24:27

Ets t'ënëmaay ja naax kajpn: Ya'atë tsaa n'ënyääytyä'äkyësën, yë'ë wë'ëmp tä tu'uk yë ijxpäjtënën mëët ko yë'ë yaa tyam yaa yajpatp ets të tmëtoowta'ay tä ja Wintsën të y'ënä'änyën. Yë'ë mtuk'ixtëp ko ënety xy'ixtë ja Wintsën xymyëtëkoya'antë.

Proverbios 29:24

Ja'ay mëti'ipë ka'ap nnikäjpxyën ja mä'tspë ets tëë t'ixy ko të myeetsy, kyë'ëm juukyajtën kya'oy'ijxyp, jä'ä ko ëxëëkjaty yaj'ënëëmëja'any ets ka'ap ja tuuntëko'oyën nikajpxa'any.

Éxodo 5:2

Ënet ja mëj'ënä'ämpë y'ëtsooy. ¿Pën Wintsënëtën m'antijpy ets pën timyë'ënë etsës ënät nmëmëtowëty ëkë etsës ënät yam najtsmajtsëpëty yë Israel ja'ayëty? Tääpë wintsën xynyikäjpxyën, ka'apës n'ixy'äty ets näy ka'apës yam n'ëxmatsëty yë Israel ja'ayëty.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Daniel 4:17

Ya'atë tëytyu'unën të yajnikäjpxy, mëti'ipë yë anklëstëjk këwent'ajtpë të t'awitstën ets tëkokyë naaxwiinyëtë ja'ay nijawëtëty ko yë Dios Ni'ik Këjxmëpë myëët yë mëk'ajtën ma naaxwiinyëtë ja'ay kyutujktaknëtyën, myoopy yë kuttujkën yë ja'ay mëti'ipë tyuk'më'a'ijxëpën ets yajwintsën'ajtyp ja ja'ay yu'unkpë naxymyëpë ma ja naax kajpnën.

Salmos 125:3

Tu'uk yë yajkutujkpë mëti'ipë ka'ap tukjatyën oy y'ënä'ämëty, ka'ap tjëkyepy jeky yajkutukëty ma naaxwiinyëtën mëti'ipë ja Dios të tmo'oyën ja nyaax kyajpn, jä'ä ko pën jëtu'un, tsojk ja'ay tii tuntëkoytyëty.

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Jeremias 5:12

Yë Israel ja'ayëty ets Judá ja'ayëty jëkäm jëxkë'ëm ja Wintsën të tpëjkta'aktë; jëtu'un të y'ëna'antë: Dios ka'ap tii tuny. Ka'ap tii xyjyajtmëty, ka'ap tsip ets yuu y'ita'any.

Ezequiel 23:35

Paaty ëjts maas nWintsën'atyën, jëtu'unës n'ëna'any: Mëët koos tëë xyjyä'äytyëkooynyë ets ja mjëxk të xytyuk'akëëynyës, kopkpëky ko xykyumëtowëty ko xim yam ja ye'etyëjk të xymyëët'aty ets ko mijts je'eyë të mpëyë'ëk'ëwtity.