Proverbios 30:33 - Biblia Dc en Mixe de Quetzaltepec

³³ Pën mka'apëtijtyp yë tsi'tsknëë, mantequillë y'awinpita'any, pën amëjaaw xyi'ity yë mjëjp, taxaanp yë'ë; näjyëtu'un ko ja mmëku'uk xy'ënaxëty, je'eyë mëët m'ëk'tsiptuunëty.

Biblia Mixe de Quetzaltepec

³³ Pën mka'apëtijtyp yë tsi'tsknëë, mantequillë y'awinpita'any, pën amëjaaw xyi'ity yë mjëjp, taxaanp yë'ë; näjyëtu'un ko ja mmëku'uk xy'ënaxëty, je'eyë mëët m'ëk'tsiptuunëty.

Proverbios 30:33 ပူးပေါင်းရင်းမြစ်များ

Génesis 18:8

Yë Abraham oy tsuj ojts tukwintsë'ëkë ja ka'ayën ukën mëti'ipë ënety të nyija'tyën ma ja jyëën tyëjkën, tmooy yë tsi'tsknëë ets ka'ayën ukën. Yë Abraham jëjp'ijxp ënety tyim'ity oy tii t'amëtowa'antëty ja ja'ayëty. Yë'ë ënety tyimkuteempy ja tojkx ets ja uuky jam kepypya'tkë'ëm.

Proverbios 10:12

Yë näy'ëxëëk'ixë je'eyë yajtsiptuny, e yë tsojkën ja'awën myä'kxtääpy yë nëë poky.

Proverbios 15:18

Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Proverbios 16:28

Yë ja'ay mëti'ipë ëxëëk yë jyot wyinma'anyën je'eyë xëmë jyänty tsyip'ixta'ay; yë ja'ay mëti'ipë pi'tskajpxpën, je'eyë myëku'uk tyajnämyëtsiptsoonyë.

Proverbios 17:14

Tä nëë kyomyën, jëtu'un yë tsip yaj'ixy ko tsyo'ontä'äky; e oy wyimpëtsëmy ko yajkuke'eky ets këtii ko ja'ay tsyiptëkë.

Proverbios 26:21

Ko jëënpajk xytsyokëty, jëënkupëk yë ju'uny, e ko yë jëënyä'änk xytsyokëty, jëënkukap yë ja'axy; e näjyëtu'un ko xytsyokëty yë tsip käjpxy, ëxëëk mja'ay'atëty.

Proverbios 28:25

Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Dios tyuk'ijxpejtypyën, jotkujk jyuuky'ata'any.

Proverbios 29:22

Mëti'ipë ja'ay ëxëëk ëtëtsp ënaanpën ets janty pojën winë timtyunankojy, je'eyë xëmë tsyippaata'any ets ka'ap tii oy tunëty.

Proverbios 31:1

Ya'atë jëtu'un ojts tkäjpxy yë Lemuel, mëti'ipë jam ënä'ämën Masá, tyaak ojts jëtu'un tyukmëmëtyä'äkyë.