Proverbios 30:14 - Biblia Dc en Mixe de Quetzaltepec

¹⁴ Tää yë ja'ay mëti'ipë jëtu'un yë y'aaw tyëts jya'apën mëtyäätën; ets tää mëti'ipë y'oknak jya'apën tsujknën, jä'ä tjatsoktë tim këjxtaaytyëp jeexyë yë ëyoopëja'aytyëjk ma naax kajpnën.

Biblia Mixe de Quetzaltepec

¹⁴ Tää yë ja'ay mëti'ipë jëtu'un yë y'aaw tyëts jya'apën mëtyäätën; ets tää mëti'ipë y'oknak jya'apën tsujknën, jä'ä tjatsoktë tim këjxtaaytyëp jeexyë yë ëyoopëja'aytyëjk ma naax kajpnën.

Proverbios 30:14 ပူးပေါင်းရင်းမြစ်များ

Job 29:17

Ntuk'akojxtutypyës ijty yë ëxëëkja'aytyëjk winë mëti'ipë pyëjkëtyëpën yë ëyoopëja'aytyëjk.

Job 41:14

¿Pën yë y'aaw y'ëk'yajwa'kxëp mëët ijxtëm yë tyëts jyëjpëtyën?

Salmos 12:5

Yë Wintsën jëtu'un të y'ënä'äny: Yë ëyoopëja'aytyëjk ets paki'ixtëjk; o'ktëypyë jyatën kyëpätën, mëti'ipë jëëytyëp yaxtëpën. Yë'ëjës yam mputëkëjantëp etsës nkuwa'ana'antë, ijxtëm yë'ë tsojkën'atën.

Salmos 124:6

Mëjjaw kënu'kxyjyawë yë Wintsën y'itëty, mëët ko ka'ap të t'ëwa'atsy ets jëtu'unyë xy'anujk xytyuknujkëmëty mëët yë y'aaw tyëtsëty.

Salmos 14:4

Yë ëxëëk tuunpë ëxëëk kajpxpëty nijënu'un kyaja'akyukëtë, yë'ë nyijë'kx nyipëjktëp yë nnaax nkajpnës ijxtëm ja'ay tsajpkääky tkayën. Tääpë ja'ayëty ka'ap yë Dios t'ëwtatë.

Salmos 3:7

Kuwaankës Wintsën. Yajtsokës ma mijts nTios'atyën. Mijts myajtsëtyutäämpy yë nmëtsipës wyiinkëjxy jyëjpkëjxy; yë y'aaw tyëts jëtu'unyë xymyo'taja'any.

Salmos 52:2

Yi'iyë mmëmääpy mmëtäjpy wi'ix winë ëxëëk xytyunëtyën; yë m'aaw myä'än jëtu'un yajtsëtyuty tä tsujknën jëjpëpë.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Salmos 57:5

Dios, mëti'ipës nTios'ajtypyën, mijts jam tsajpkëjxm myajpaaty. Mijts myajwintujkpy yë naaxwiinyëtë mëët yë mmëj'ajt m'oyajtën.

Salmos 58:6

Dios mëti'ipës nTios'ajtypyën, pu'ujë tyëts, Wintsën, yajënajkë y'akaap tääpë kaa.

Proverbios 12:18

Tää yë ja'ay mëti'ipë tsaatsy ma'at ëëp kajpxpën; e ko kyajpxtë yë wa'ats ja'aytyëjk, yë'ë jatëkok winë yaj'o'oyëtëp.

Proverbios 22:16

Mëti'ipë ja'ay pyëjkëpën tii yë ëyoopëja'ay ets nyäyajkumeenytya'aka'anyë mëk ëyoopëja'ay y'awinpita'any.

Proverbios 28:3

Yë ëxëëk ja'ay mëti'ipë o'ktëy tyuunpyën yë ëyoopëja'ay, jëtu'un nyäxy tä kyomtu'uyën ets tyajma'ta'ay ja pëjktä'äky.

Proverbios 30:15

Jëtu'un tä jëyujkën mëti'ipë ne'pny ukpën, jëtu'un nyäxy ja ja'ay mëti'ipë je'eyë tyäty kyaxën ets ënaan'ëtëtsp: Yak. Yak,

Eclesiastés 4:1

Ënätës ojts n'ixy ntuny wi'ix ja'ay tyaj'ëyoyën yaa naaxwiiny naaxkëjxy. Ënätës ojts n'ixy ko mëti'ipë ja'ay ëyoopën jëëytyëp yaxtëp yë'ëjëty ets ka'ap pën pyutëkëty; mëti'ipë ja'ay myëku'uk yaj'ëyoopyën ëxëëk myëku'uk tyajjaty tyajkëpety ets ka'ap pën pyutëkëty mëti'ipë ëxëëk yajtuuntëpën.

Isaías 10:2

ma ka'ap xypyutëkëtën ja mëti'ipë ëmaay amutsk yajpatpën, ets ka'ap xy'ijxpaatë ja ëyoopëja'aytyëjk, mëti'ipë yajpatëpën maas nnaax nkajpnën, ma ni'ikyë ja ku'ookpyë to'oxytyëjk mëk xytyuunkmo'otën ets ni'ikyë xymyäätstë ja ku'ooky u'unk.

Isaías 3:14

Yë Wintsën tyukwinmëtowäämpy ja mëjja'aytyëjk ets ja kopktëjk ja nyëë pyokyëty, ets t'ënëëmëja'any: Miits të xypyëjkëtë ja ëyoopëja'ay ja kyä'äyën y'ukën, tëë xymyäätstë ja mëti'ipë ënety ja y'u'unk y'ëna'k tyuk'ixäämpyën, ja mëti'ipë të xymyäätstën jam ma mtëjkën të xymyënëjkxta'atë.

Isaías 3:15

Pën ja kuttujkën të mmo'ojëtë ets ja nnaax nkajpnës o'ktëy xytyuntëty ets ja ëyoopëja'ay xyjyaamtään xynyaaxtääntëty. Ëjts jëtu'un ënaanp, ëjts Wintsën, mëti'ipë maaytyääyëpën winë.

Isaías 32:7

Ja ja'ay mëti'ipë ka'ap ja jyot wyinma'any y'oyëtyën, ma'atjaty ja aaw ayuk tkäjpxy; yi'iyë myëmääpy myëtäjpy ka'apë y'oyëtyën; y'ëxëëk tuumpy ja ëyoopëja'ay ko wyin'ëëny ets y'ëxëëk tuumpy näjyëtu'un ja mëti'ipë tii yajmëyäjtypyën.

Ezequiel 22:6

Yë'ëjës n'antijpy yë Israel yajkutujkpëtëjk, mëti'ipë juuky'ajtëpën ma mijtsën ets yaja'ay ooktë ijxtëm tyimjot tyimwinma'anyëtyën.

Ezequiel 34:3

Miitsëty m'uktëp yë tsi'tsknëë, myajkojtëp yë wit mëët yë kupixynyjyëmk ets myaj'o'ktëp yë kupixyny ni'kxëtypë, je'eyëp ko ka'ap xykyëwent'atë yë kupixyny.

Amós 2:7

Tyiytyuuntëp ets ka'ap tmëj'ixtë yë ëyoopëja'aytyëjk, ko jya''amëtoyë ja ëyoopëja'ay ets jeexyë tpaye'ey, ka'ap tpaye'ey. Yë u'unkteety ets myaank tu'ukyë ja to'oxytyëjk tukmujknëtë ets tmëët tsëënëtë, tyajnipäxëtëkëtë jëtu'un ja nxëëwës.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Amós 8:4

Mëtoow'itë ya'atë aaw ayuk, miitsëty mëti'ipë myaj'ëyoowtëpën ets mtëytyuuntëpën yë ëyoopëja'aytyëjk ets o'ktëy xytyuntë xy'ënëëmëtë ja'ay mëti'ipë yu'unk naxym ja'ay'ajtëpën ma naax kajpnën;

Habacuc 3:14

Myaj'o'k yë kyopktëjk mëët yë kyë'ëmti'pxn, ko ja kyëwaay'ënyääpyë amëjaaw jyamiintë tä tuupojën ets tjayajkutëkoyantë yu'utsy me'ty ja mëti'ipë ka'ap nyäkyuwa'anëtën.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Apocalipsis 9:8

Ets ja wyääyëty jëtu'un yaj'ixy ijxtëm ja to'oxytyëjk ja wyääyëtyën; ets tyëtsëty jëtu'un ijxtëm yë kaatëtsën.