Proverbios 30:12 - Biblia Dc en Mixe de Quetzaltepec

¹² Tää ja'ay mëti'ipë wa'ats näyajnajxëpën, ets ka'ap jyot wyinma'any y'oyëty.

Biblia Mixe de Quetzaltepec

¹² Tää ja'ay mëti'ipë wa'ats näyajnajxëpën, ets ka'ap jyot wyinma'any y'oyëty.

Proverbios 30:12 ပူးပေါင်းရင်းမြစ်များ

Job 33:9

Ëjts wa'atsës, ka'apës tii poky nmëëtëty, ka'apës maa ntëkoy ets ka'apës maa npokytyuny.

Salmos 36:2

Yë ëxëëk ja'ay jëtu'un nyäjyawëty oy yowë winë tuny ets aak y'oy'ixëp yowë ja'ay, ka'ap nimaa t'ixy mya'atëty ja y'ëxëëktu'un y'ëxëëk kajpxën.

Salmos 51:2

Pujkës jä'tskës ja n'ëxëëk'ajtën. Tukniwijtstutkës ja nnëë npoky.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

Proverbios 16:2

Yë ja'ay jëtu'un nyäjyawëty aak'oy winë tuny, Dios yë'ë y'ijxtääpy wi'ixjaty ja'ay tii tunyën.

Proverbios 21:2

Yë naaxwiinyëtë ja'ay aak'oy t'ixy tëkokyë mëti'ipë tyuunpy kyäjpxypën; e Dios yë'ë patëp t'ixëty pën oy ja ja'ay ja jot winma'any tmëëtëty.

Isaías 1:16

Näypyuj näjyä'ätsëtë, näyajwa'atsëtë. Ka'apës n'ëk'ixanë ja mpokyëty. Ja ëxëëk tu'u jä'ä m'ëxmatstëp.

Isaías 65:5

Ets y'ëna'antë: Jääyë ëwxit, këtiis nëkoo xytyony; ëjts kënu'kxyës mëj këjää, ka'ap tjëkyepy nëkoo xytyonëtyës. Tääpë ja'ayëty jëtu'un tä jëënën tu'kxëëwpë yeenyën; je'eyës xyajja'antyixy koos xyjyëjp kujokë.

Jeremias 2:35

E mijts ni'ikyënëm m'ënaan'ëtë'ëtsy: Ëjts ka'apës tii poky nmëëtëty. Yë Dios ka'ap xy'ëkmëtsip'ajnës. E oy ko jëtu'un m'ëna'any, ko ënät myajnipaye'eyëty jää ënät yaj'ixëty pën ka'ap tii xytyuuntëkoy.

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Oseas 12:9

Ëjts, mëti'ipë Wintsën'ajtpën, mëti'ipë mijts mTios'ajtypyën maju'unëm jap Egiptë myajpaatyën, nyajkutukäämpyës jatëkok ets wit tëjk xytyuktsëënëty, jëtu'un tä jam ojts näpyatëmën wintë'ëtstum.

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Lucas 18:11

Ja fariseë ja'ay, tënääpy ja Dios tmëkäjpxy ets në'ix pa'at'ix, jëtu'un y'ënä'äny: Dios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

2 Timoteo 3:5

Jëtu'un nyäpyëjkta'aka'anëtë ijxtëm jeexyë myëpëktën, je'eyëp ko ma winë tuntën aakjä'ä ma'atpë ets tëkatsypë. Këtii jëtu'unpë ja'ay xykyutëkëtëty. Janty mëpëjkpë ja'ay nyäyajnaxa'anëtëty, jëtu'unpë ja'ay këtii xymyëjwa'kpätëty.

Tito 3:5

ënät ojts xyajnitsokëm, ka'ap yë'ëkyëjxmëty ko oy tii ntu'unëmë, yë'ëkyëjxm ko ojts xypya'ëyo'owëmë ets të xymyo'oyëmë ja jempyë juukyajtën mëët ka kënu'kxymyëk'ajtën.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Jueces 17:13

Tääts ja Micaías ojts myäy tyäjy ko ja jyëën tyëjk ets ja jyuukyajtën jëjp'ixy ënety tmëët'ajnë ja Dios ja kyënu'kxën, jä'ä ko yë'ë ënety jam teety'ajtp ma ja tyëjkën tu'uk yë Leví ja'ay.

Jueces 17:5

Micaías myëët'ajtyp ijty tu'uk tëjk ma Dios t'ëwtatyën. Ojts tu'uk yë wit t'oytyuny mëti'ipë ja teety pyëjktaktëpën, kanaakpëky yë tios tyajmëjnajxy, tu'uk ja myaank tuknipëjky ets tyeety'atëty.