Proverbios 3:7 - Biblia Dc en Mixe de Quetzaltepec

⁷ Këtii janty wijy mnäyajnaxëtëty. Winkutsë'ëkë yë Dios ets näjyëpëkët ma ja ëxëëkpën.

Biblia Mixe de Quetzaltepec

⁷ Këtii janty wijy mnäyajnaxëtëty. Winkutsë'ëkë yë Tios ets näjyëpëkët ma ja ëxëëkpën.

Proverbios 3:7 ပူးပေါင်းရင်းမြစ်များ

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Romanos 12:16

Juuky'atë tu'ukyë nixim niyam. Ka'ap amëj akëjxm mja'ay'atëty. Jëtu'un mnäpyëjkta'akëtëty tä janty mëk ëyoopëja'ayën. Ka'ap janty ixpëky mnäyajnaxëtëty.

Proverbios 26:12

Wä'än yë tsuuja'ay jyaak ja'akyukëty, këtiinëm yë ja'ay mëti'ipë wijy näyajnajxëpën.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Dios myëtuumpy ets nijëna'a ojts pën tkamëtëkoy.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Dios.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Isaías 5:21

Janty mon janty tuk miitsëty myajpaatë, jä'ä ko wijy mnäyajnaxëtë.

Proverbios 14:27

Ko yë Dios yajmëjpëjktä'äky juukyajtën ënety yajpatp ets yë'ë ënety yajpatp ja nitsokën jam o'kënjëjp'am.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Nehemías 5:15

E ja yajkutujkpëtëjk mëti'ipë ënety jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

Éxodo 20:20

Tä ja Moisés y'ëtsowëtë: Këtii mtsë'ëkëtë, Dios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

2 Samuel 12:20

Ënet ja David wyä'ätsë'ky ets tsyiiy xyijtsy, nyäy'oon nyäpyëjkë ets ja wyit tjääntëkajtsy, tääts jap tyëjkëy tsajptëkoty ets ja Wintsën t'ëwtata'any; jam tsyo'ony tääts ojts nyijkxy ma tyëjkën t'amëtooy ja kääky uuky ets kyääy pyijky.

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Proverbios 14:16

Yë wijyjyä'äy tsyë'këp yë ëxëëkpë paaty ënätyë jam jyëwä'äky ma tii ëxëëk t'ixyën; e yë tsuuja'ay ka'ap tii tmëjpëjktä'äky.

Proverbios 23:4

Këtii nëkoo ajotkumonë mnämyëjaaw'ixëtëty ets kumeenyjyä'äy mnäyaj'awinpita'anëtëty. Ixmatsmës yë'ë, këtii yi'iyë xymyëmay xymyëtajy.

Proverbios 26:5

Mëti'ipë ja'ay y'ëtsoopyën ja tsuuja'ay, näjyëtu'un kyëxë'ëky tä ja tsuuja'ayën.

Proverbios 28:11

Yë kumeenyjyä'äy janty ixpëky nyäjyawëty, je'eyëp ko yë ëyoopëja'ay mëti'ipë wijyën tsojk tsyuu'ixëtëty.

Proverbios 28:26

Yi'iyë tsuuja'ay ënaanp ko oy myäy tyäjy; mëti'ipë ja'ay niwijy winë tyuunpyën, ëwaatsëtum nyäyaj'ita'anyë.