Proverbios 3:4 - Biblia Dc en Mixe de Quetzaltepec

⁴ jëtu'unts mtukxoonta'akëtëty ets m'oyjyawëtëty yë Dios ets naaxwiinyëtë ja'ay.

Biblia Mixe de Quetzaltepec

⁴ jëtu'unts mtukxoonta'akëtëty ets m'oyjyawëtëty yë Tios ets naaxwiinyëtë ja'ay.

Proverbios 3:4 ပူးပေါင်းရင်းမြစ်များ

Lucas 2:52

Ets ja Jesús ye'ky pyejty, wij'ëtëtsp käj'ëtëtsp, tukxoontakëp ja Dios ets ja ja'ay.

Romanos 14:18

Mëti'ipë ja Kristë myëtuumpyën, jä'ä ja Dios tukjotkëtakëp ets näjyëtu'un ja ja'ayëty.

1 Samuel 2:26

E ja Samuel yä'kp päjtp ja ni'ikyë ets mëti'ipë tyuunpyën y'oy'ijxyp ja Wintsën ets näjyëtu'un ja ja'ayëty.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Génesis 39:21

yë José je'eyë ja Dios mëët y'ity ets xëmë pyutëk pyupetyë jap pujxn tëkoty, e jëtu'un'äämpy yë José ojts tmëmëtä'äky ets ja pujxntëjkëwent'ajtpë oy tsuj jyawëtëty,

Hechos 2:47

Xëmë ijty ja Dios tmëjjawëtë tjaantyjawëtë. Oyjya'awëtëp ni'ëmukë ja ja'ayëty ets winjëpom ja Wintsën ja ja'ay tyajmayë mëti'ipë ja pyoky yajnimä'kxtëpën.

Daniel 1:9

Dios ojts tyuny paaty ja wintsën mëti'ipë jam tuunpën ma ja kutujkëntëjkën oy ojts tja'akyukë tä ja Daniel y'ënëmaayën,

2 Corintios 8:21

Paatyës oy winë ntuntë, ka'ap jyämyëty Wintsën wyintum, näjyëtu'un ma ja ja'ayëtyën.

Proverbios 8:35

Jä'ä koos ëjts pën xypyääty, jëtu'un tä pën tpaatyën yë juukyajtën, ets Dios janty'oy jyawëty;

Proverbios 12:2

Yë oyjyä'äy, tsojkëp yë Dios, e yë ëxëëk ja'ay pokytyum yajpëjktä'äky.

Proverbios 13:15

Ko yë ja'ay niwijy jyuuky'äty, may tpaaty mëti'ipë oyjya'awëyëpën; e yë ja'ay mëti'ipë myëku'uk kyë'ëyäjkpyën ëxëëk jyäty kyëpety, kë'ëm jam nyäyajnëjkxyë, ma xit ko'ow jyatëtyën ja jyuukyajtën.

1 Samuel 2:21

Ja Wintsën kyënu'kx'ëtëtsyp ja Aná mëjwiin këjää mëët ja u'unk maay. Paatykyëjxm ojts ja y'u'unk myääy tyajmëxu'unk'aty nitëkëëk yë yä'äy'ëna'k ets nimäjtsk yë to'oxy'ëna'k, e ja Samuel ya'k päjt jä'ä jam ma ja Dios tmëtunyën.