Proverbios 3:33 - Biblia Dc en Mixe de Quetzaltepec

³³ Yë Dios pyojkpy yë ëxëëk ja'ay yë jyëën tyëjk, ets kyënu'kxyp yë oyjyä'äy yë jyëën tyëjk.

Biblia Mixe de Quetzaltepec

³³ Yë Tios pyojkpy yë ëxëëk ja'ay yë jyëën tyëjk, ets kyënu'kxyp yë oyjyä'äy yë jyëën tyëjk.

Proverbios 3:33 ပူးပေါင်းရင်းမြစ်များ

2 Samuel 6:11

Ja Wintsën ja kyaaxë jä'ä ojts jam pyo'oxy tëkëëk po'o ma ja Obed-edom ja tyëjkën, jëtu'un tä pyoxyën ja kaaxë jam ma ja Obed-edom ja tyëjkën jëtu'un ojts ja Wintsën ja kyënu'kxën jam tyajkëtä'äky.

Job 24:18

Yë ëxëëkja'aytyëjk nëëkom yajwinpajë'tëp. Poky yë nyaax kyam wyë'ëmtë ets ka'ap pën nijëna'a jam y'ëk'tuunëty ma tmëët'atën yë tsatymkyam.

Job 31:12

Jëtu'un nyäxy tä tu'uk yë patoyë jëënën mëti'ipë nyo'ktëkoopyën winë, mëti'ipë yajkutëkooytyääpyën mëti'ipës nmëët'ajtypyën.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Salmos 37:22

Pënjaty yë Wintsën të tkënu'kxyën, yë'ë jyä'ä'atantëp yë naaxwiinyëtë, e pënjaty të tpokyën nëjkxëp kyutëkooytya'atë.

Salmos 91:10

nitii ëxëëkpë mkaniminëtëty ets pa'am ëyo'on ka'ap mkutëkëtëty ma mjëën mtëjkën.

Proverbios 10:6

Ma oyjyä'äyën, mëj këjää yë kënu'kxën jam kyëtä'äky; e ma ja ëxëëk ja'ayën, jëtu'unyë yajkumon yajkutukëty ja ëxëëk jot ëxëëk winma'any.

Proverbios 14:11

Yë ëxëëkja'aytyëjk jyëën tyëjkëty nëjkxëp kyutëkoy; e oyjyä'äytyëjkëty jyëën tyëjkëty ni'ikyë kyëjääjëja'any.

Proverbios 15:6

Mëjwiin këjää jap winë yajpaaty ma oyjyä'äy jyëën tyëjkën; e ma ëxëëk ja'ayën ka'ap nimaa tuk'oy'äty mëti'ipë jyapaty jya'ijxypyën.

Proverbios 21:12

Yë juuky Dios, wa'ats t'ixy yë jyëën tyëjk yë ëxëëk ja'ay, ets xit ko'ow tyajjaty yë ëxëëkja'aytyëjk.

Malaquías 2:2

Pën miitsëty ka'ap xymyëmëtowtës ets ka'ap xywyinkutsë'ëkëtës, nëjkxëp mpoktë. E miitsëty mëët ko ka'ap të xymyëmëtowtës ëjts ëxëëkës yam nyaj'awinpita'any yë oypyë tu'unën kajpxën ets yë'ëpaat mëti'ipë yë teetytyëjkëty oy të tjatuntën. Yë Wintsën mëti'ipë maaytyääyëpën winë yë'ë jëtu'un ënaanp.

Deuteronomio 11:28

E pën wiink tios mpanëjkxtëjkëtyëp ets ënety yë'ë xy'ëwtajnëtë ets xymyëtuunëtë, tä jeexyë yë'ë xy'ëwtatën ja mëtëypyë ja Wintsën, jää näpyokë nëjkx y'ity.

Deuteronomio 7:26

E paaty yam myajtuk'ëwaanëtë ko këtii jëtu'unpë xymyënëjkxtëty ma mjëën mtëjkëtyën mëti'ipë Wintsën y'ëxëëk'ijxypyën, këtiipë näjyëtu'un m'o'ktëpëty. Jä'ä ko mëti'ipë ënety yë Wintsën të tuknipëjktaakën ets kyutëkoyëty kopkpëky ko kyutëkoyëty, jä'ä ko yë'ë mëti'ipë ënety yë Wintsën y'ëxëëk'ijxypyën.

Josue 6:18

E miitsëty këtii nitii xytyontëty mëti'ipë yë Wintsën të tyajkutukyën kyutëkoyëty, jä'ä ko tii xytyoontëpëty tsojk naax kajpn ëxëëk jyatëty kyëpätëty ets nëjkx pokymyëët wyi'imy.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.