Proverbios 3:3 - Biblia Dc en Mixe de Quetzaltepec

³ Këtii nijëna'a xymyajtstu'utëty yë nätsyok näjyawë ets tëyajtën, jëtu'un xymyëët'atëty tä nantsëmën, yajwë'ëm akëpäjky ma mjot mwinma'anyën,

Biblia Mixe de Quetzaltepec

³ Këtii nijëna'a xymyajtstu'utëty yë nätsyok näjyawë ets tëyajtën, jëtu'un xymyëët'atëty tä nantsëmën, yajwë'ëm akëpäjky ma mjot mwinma'anyën,

Proverbios 3:3 ပူးပေါင်းရင်းမြစ်များ

2 Samuel 15:20

Mijtsën ëxë'ëynyëm mja'ty, ¿wi'ix n'ëk'ënëëmëty ets xypyaminëtyës, e ëjts nän ka'apës nijawë maas nëjkxy? Nikë winpit ets pawow yë mëkukajpn. Yë Wintsën yë'ë mkënu'kxëtëp ets mjämyëët'atëtëp xëmë.

Salmos 119:11

Tyapës pëjkë'ëk nyaj'ity yë m'aaw m'ayuk maas yë njot nwinma'anyën; këtiipë jëna'a nmëtuuntëkoyëty.

Salmos 25:10

Yë'ë ko tii tuny, aak mëtëy winë tuny ets mëët yë tsojkën ja'awën ma ja ja'ayën mëti'ipë kuuytyu'unxëyëpën ja y'aaw y'ayuk ets ja y'ënä'ämën tyiyajtën.

Salmos 85:10

Yë tsojkën ja'awën ets tëyajtën tu'knax y'ita'antë, itaanp näjyëtu'un ja jotkujk'ajtën ets ja mëtëypyë,

Éxodo 13:9

Jëtu'un ja'amyetsy xëmë xyaj'itëty tä jeexyë jam tu'uk yë ijxpäjtën xymyëët'atën mkë'ëkëjxmëty ëkë mwinpokëjxmëty, ya'atë ijxpäjtën xëmë mtukja'amyätsëtëp ets xëmë xykyajpxtëty xymyëtya'aktë ja ënä'ämën tëyajtën mëti'ipë ja Dios të tyajwë'ëmyën, mëti'ipë ojts mjuutëtën jap Egiptë mëët ja myëk'ajtën.

Éxodo 34:6

Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Dios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

Proverbios 1:9

Jëtu'un xymyëët'atëty tä jeexyë tii janty'oy myajkëxë'ëkyën, tä tu'uk yë nantsëmën ëkë kujänën.

Proverbios 14:22

Mëti'ipë ëxëëk ëtëtstëp ënantëpën, tëë tyu'utëkoytyë. Mëti'ipë yë'ë y'ijxtaaytyëpën ja oypyë jot winma'any, myëët'ajtëp ja tsojkën ja'awën ets ja jaanty'ajtën.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Dios.

Proverbios 20:28

Tu'uk yë yajkutujkpë janty mëk jam y'ity ma yajkutukyën, ko tuny winë mëët ja oyjyot oywyinma'any ets mëët ja tëyajtën.

Proverbios 6:21

Mëët'at jap xëmë ma mjot mwinma'anyën, jëtu'un xymyëët'atëty ijxtëm jeexyë tii xymyëët'atyën këxtsumy myo'kntuuy.

Proverbios 7:3

Këxtsumpyën xymyëët'atëty ma mkë'ëwa'axyën, akëpäjky xymyëët'atëty.

Jeremias 17:1

Mijts Judá, yë m'ëxëëktu'un m'ëxëëk kajpxën këxpajy jap y'ity mëët yë juunpujxn, mëët yë juuntsaa ma ja mjot mwinma'anyën mëti'ipë juunën tä tsaajën ets ma ja mwintsë'këntyakn nyiwajën.

Oseas 4:1

Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Malaquías 2:6

Yë Leví mëtëy ijty jyuuky'äty ets ka'ap nëkoo ëxëëkjaty kyäjpxy myëtyäky. Oy ijty jyuuky'äty ëjts nwintuuyës ets may yë ja'ay tputëjkëy ets tyaj'oyëtëty yë jyuukyajtën.

Mateo 23:23

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mjatukniwë'ëmtëp ja Dios ja jyä'ä ko tii xyajwintëwtë, ijxtëm: ja menta, anis ets cominë; je'eyëp ko ka'ap xymyëjpëjkta'aktë ja ënä'ämën tëyajtën mëti'ipë kopkpëkyën yajpatunëty, ijxtëm: ja nipaye'eyën mëtëypyë, ja pa'ëyo'ow najts'ëyo'owën ets oypyë juukyajtën. Ya'atëtën ijty ni'ik oy ja kopkpëky, oknëm ma ja Dios ja y'ayajk y'ako'onën yajmo'oyën.

2 Corintios 3:3

Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Dios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

Efesios 5:9

Ko ja ja'ay yajpaaty ajajëntuuy, tyuunpy ja oypyë, mëti'ipë paat'ajtëpën ets mëti'ipë mëtëyën.

Deuteronomio 6:8

Ya'atë ënä'ämën tëyajtën jëtu'un xytyimmëët'atëty mjootjoty mwinma'anyjoty tä jeexyë jam mkë'ëkëjxm këxtsumy y'ityën ets tä jeexyë jam mwinpokëjxm këxtsa'ay yajpaatyën.

Hebreos 10:16

Ja käjpxytyu'unën mëti'ipës ntunäämpyën, yë'ë ya'atë, jëtu'un y'ënä'äny ja Wintsën: npëjkta'akäämpyës ja ënä'ämën ma jyuukyjotmën ets njaaypyäta'anyës ma wyinma'anyëtyën.