Proverbios 3:2 - Biblia Dc en Mixe de Quetzaltepec

² jëtu'un jeky mjuuky'atëty ets myajpaatëty xëmë jotkujk.

Biblia Mixe de Quetzaltepec

² jëtu'un jeky mjuuky'atëty ets myajpaatëty xëmë jotkujk.

Proverbios 3:2 ပူးပေါင်းရင်းမြစ်များ

1 Reyes 3:14

Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

Job 5:26

Oy mëk nëjkx mmëjja'ayë, jëtu'un tä tsajpmok majën.

Salmos 119:165

Tëkokyë jënu'un tkuuytyuntën yë m'ënä'ämën mtëyajtën janty jotkujk yajpaatë ets ni pën wi'ix kyatunëtë.

Salmos 128:6

Nëjkxëp xy'ixy ja m'ok u'unk m'ok ëna'k. Wä'än tjam'aty ja jotkujk'ajtën ma Israel ja'ayëtyën.

Salmos 21:4

Tëë m'amëtoyë juukyajtën, ets yenyjuukyajtën të xymyo'oy, mëti'ipë jäjkpën.

Salmos 91:16

ëjts nyajkutukäämpy ets tukxoonta'aktëty ja juukyajtën jekpyë, etsës nyajxoonta'aka'any ma ja nitsokënën.

Proverbios 10:27

Ko Dios yajtsoky yajjawë, yoonp yë juukyajtën; e yë ëxëëkja'aytyëjk ni'ikyë yë jyuukyajtën yajkuwitstë.

Proverbios 16:31

Ko yë mëjja'aytyëjk wyääy yaj'ixtë poop, patëtëp ets yajwinkutsë'ëkëtëty; yë'ë mëti'ipë oy të jyuuky'atën.

Proverbios 4:10

U'unk maay, mëtoow'it yë n'aaw n'ayukës, mijts jä'ä'at ets jëtu'un jeky mjuuky'atëty.

Proverbios 4:4

yë nteetyës ojtsës näjyëtu'un xyaj'ixpëky. Yajwë'ëm akëpäjky yë n'aaw n'ayukës. Yë'ë jëtu'un mtunëp mëti'ipë yam ntuk'ëne'empyën ets mjuuky'atëty.

Proverbios 9:11

Oy ko jyää'aty wijyajtën, jeky mjuuky'ata'any ets këjääjëjaanp ja xëëw jëmëjt ma mjuuky'ata'anyën.

Isaías 32:17

Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Deuteronomio 11:21

Jëtu'unts miitsëty ets ja m'u'unk m'ëna'këty nëjkxëp jeky mjuuky'atë ma ja it naaxwiinyëtën mëti'ipë ja Wintsën tyukwinwa'anëyën tmo'oja'any ja m'ap m'okëty, jëtu'un tä ja tsajp ets ja naaxwiinyëtë jeky y'ijtëwtën.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.