Proverbios 29:7 - Biblia Dc en Mixe de Quetzaltepec

⁷ Yë wa'ats ja'ay myëmääpy myëtäjpy yë ëyoopëja'ay wi'ix mëpaat jyuuky'ätyën ijxtëm pyäätyën, e yë ëxëëk ja'ay nijënu'un jëtu'unpë tkamëmay tkamëtajy.

Biblia Mixe de Quetzaltepec

⁷ Yë wa'ats ja'ay myëmääpy myëtäjpy yë ëyoopëja'ay wi'ix mëpaat jyuuky'ätyën ijxtëm pyäätyën, e yë ëxëëk ja'ay nijënu'un jëtu'unpë tkamëmay tkamëtajy.

Proverbios 29:7 ပူးပေါင်းရင်းမြစ်များ

Job 29:16

teetyën ijty xyjyawëtës ja'ay mëti'ipë winë yajmëyajtëpën, kuwaanpë ijty xyjyawëtës yë jaaypyaat jaaypyo'kxy.

Salmos 41:1

Jotkujk yë ja'ay yajpaaty mëti'ipë y'ijxpatypën yë ëyoopëja'ay ets o'ktëypyë yajpaatyën ets tputëkë; yë Wintsën yë'ë yajtso'okanëp ko ënety ëxëëk ja xëëw po'o wyinkony.

Proverbios 21:13

Mëti'ipë ja'ay ka'ap tja'akyukën ko yë ëyoopëja'ay myënu'kxtä'äkyë, ka'ap näjyëtu'un pën pyutëkëtëty ko ja näypyutëkë tjayajmëyatëty.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

Jeremias 5:28

je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Job 31:21

Ka'apës nijëna'a yë ku'ooky u'unk të n'ëtsu'ux yä'äxy, mëët yë'ë koos mëj'äämpy n'ity ma kutuunktëjkën.

Job 31:13

Koos ijty yë ntuunpëtëjk tii xy'amëtowtë, nmoopyës ijty.

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

Salmos 31:7

Yë mtsojkën mja'awën jotkujkës xyajnäjyawëty. Tëë xy'ixy wi'ixës nmony ntukyën, mnija'ap wi'ixës ëyo'on jotmay nmënaxy nyajnaxyën.

1 Samuel 25:25

Mpëjtsoyës ets këtii nëkoo xyjyä'äymyätsëty ja nyëë pyoky ja Nabal, jä'ä ko yë'ë mëj këjxm nyätyijyë nyäyajnaxa'anyë, je'eyë oypyënëty twin'ëtsoy tjëjp'ëtsoy. E ëjts kajtsës ënety jam ko ja mtuunpë jam jya'ojtstë.

Salmos 72:12

Jä'ä ko yë'ë ëyoopëja'ay pyutëkëjäämpy mëti'ipë mëpëjktsoowëpën, ets ja'ay mëti'ipë winë kakajtxëyëpën, ets mëti'ipë ka'ap pën pyutëk pyupetyën.