Proverbios 29:3 - Biblia Dc en Mixe de Quetzaltepec

³ Yë u'unk maay mëti'ipë wijyën, jotkujk yë tyeety tyaak tyajnäjyawëty; e mëti'ipë yi'iyë to'oxytyëjk pyajëtijtypyën, je'eyë nëkoo meeny tyaj'ixtuny.

Biblia Mixe de Quetzaltepec

³ Yë u'unk maay mëti'ipë wijyën, jotkujk yë tyeety tyaak tyajnäjyawëty; e mëti'ipë yi'iyë to'oxytyëjk pyajëtijtypyën, je'eyë nëkoo meeny tyaj'ixtuny.

Proverbios 29:3 ပူးပေါင်းရင်းမြစ်များ

Proverbios 10:1

Ya'atë Salomón y'aaw'ajtyp y'ayuk'ajtyp: Yë u'unk ëna'k wijypyë ets mëti'ipë winë nyija'apën yajxoontäkpy yë tyeety tyaak; e ja mëti'ipë winma'anytyukën ets tsuujën je'eyë ja tyeety tyaak tyajmony tyajtuky.

Proverbios 15:20

Yë u'unk ëna'k wijypyë, akujk jotkujk yë tyeety tyaak tpëjktä'äky; e mëti'ipë tsuujën, ka'ap yë tyeety tyaak tsoky.

Proverbios 21:17

Mëti'ipë ja'ay yi'iyë tsyojkën'ajtypyën yë tsooy mëti'ipë pa'akxu'kpën ets je'eyë y'uuka'any myu'uka'anyë jam jyëjpkëxa'any ëyo'ontum.

Proverbios 21:20

Ma jyëën tyëjkën yë ixpëkyjyä'äy jap'ajtp ja wit meeny mëj këjää ets ja oyjyätypë ja tsooy mëti'ipë pa'akxu'kpën. E yë ja'ay mëti'ipë tsuujën yajtuuntääpy poj'am winë mëti'ipë yiin wäänë myëët'ajtypyën.

Proverbios 23:15

U'unk maay, ko ënety ja wijyajtën të xypyääty, ni pën jëtu'un jotkujk kyanäjyawëtëty tääjës ëjtsën.

Proverbios 27:11

U'unk maay, wijy mja'ay'atëty, ets jëtu'unës ëjts jotkujk nnäjyawëtëty, jëtu'un tjëkyäpëty n'ëtsowëtyës ja mëti'ipës xyajjoot'anpëjktëpën.

Proverbios 28:19

Mëti'ipë ja'ay yuup tuunpën kyamjotm tyu'ujotm, ka'ap tii y'ëmaaytya'aka'anxëty; e mëti'ipë ja'ay yi'iyë pyajëtijtypyën nuuxtëjk, nëjkxëp y'ëyoy jyotëkoy.

Proverbios 28:7

Mëti'ipë pyatuumpyën yë Dios yë y'ënä'ämën tyiyajtën, wijy jëtu'unpë u'unk ëna'k; e mëti'ipë yi'iyë pyajëtijtypyën kaxtëjk je'eyë tyeety tyajtsëtyuny.

Proverbios 6:26

Yë to'oxytyëjk mëti'ipë nyini'kx tyo'kpy yäjkpyën, paatykyëjxm jëtu'unpë tuunk'aty jä'ä ko kyäyä'äny y'uuka'any, e yë to'oxytyëjk mëti'ipë jam yë nyiye'etyëjk ets wiink ye'etyëjk tsojkën'aty, yë'ë y'ijxyp mëti'ipë kuwit kumeenyën.

Lucas 15:13

Naam yajkumaaytyääpy ënety ja mutskpë ets ënätyë to'ktaay winë. Tääts ojts nyijkx jëkäm najëtijtpë. Jamts ja myeeny tyajtuuntaay mëti'ipë ënety myëët'ajtypyën ko kyë'ëm winma'any tyajtuuny.

Lucas 15:30

E ko ya'atë m'u'unk të jyä'ty, mëti'ipë mmeeny të tyajkëxyën mëët ja ku'into'oxytyëjkëty, myaj'o'këp yë tsajpkaani'kxpë.