Proverbios 29:2 - Biblia Dc en Mixe de Quetzaltepec

² Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Biblia Mixe de Quetzaltepec

² Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Proverbios 29:2 ပူးပေါင်းရင်းမြစ်များ

Ester 3:15

Ja noky ënätyë ye'eywya'kxtaay, jä'ä ko jëtu'un ënety ja yajkutujkpë të tni'ënä'ämë, ya'atë noky ojts jam Susa yajkajpxwä'kxy. E ja yajkutujkpë uktëp mukëtëp ënety jap mëët ja Amán, tyam ja ja'ayëty mëti'ipë jam Susa kukajpnajtëpën myoontëpë tyujktëpë.

Ester 8:15

Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Job 34:30

këtiipë yë'ë y'ënä'ämtëty yë ëxëëkja'aytyëjkëty yë ja'ay mëti'ipë ëxëëk ja jyot wyinma'anyën ets nëkoo wyin'ëënëty.

Proverbios 11:10

Ko yë wa'ats ja'aytyëjk jyotkujkta'aktë, yë naax kajpn jotkujk näjyëtu'un yajpaaty; ko yë ëxëëkja'aytyëjk y'ooktë, xoontakp yë naax kajpn.

Proverbios 28:12

Ko yë wa'ats ja'aytyëjk myëta'aktë, xoontaktëp ja ja'ayëty; ko yë ëxëëkja'aytyëjk myëta'aktë, näyu'tstaayëp yë ja'ay.

Proverbios 28:15

Jëtu'un tä tu'uk yë kaajën myu'uy nyiitsyën, jëtu'un tä tu'uk yë osë yä'äxy jyokyën, jëtu'un yë ëxëëk ja'ay mëti'ipë y'ëne'empyën yë naax kajpn ma ëyoopëja'aytyëjk tsyëënëtën.

Proverbios 28:28

Ko ëxëëkja'aytyëjk myëta'aktë, näyu'tstaayëtëp ja'ay; ko y'ooktë tyëkoytyë wa'ats ja'aytyëjk jää mëtaktëp.

Eclesiastés 10:5

Tëës n'ixy ntuny wi'ix yë yajkutujkpëtëjk tyëkoytyën yaa naaxwiiny naaxkëjxy:

Eclesiastés 10:6

yë yajkutujkpëtëjk tyuunkmooytyëp yë tsuuja'aytyëjk ets yë'ë myooytyëp tuunk mëti'ipë mëj'äämpy najxpën, e yë wijyjyä'äytyëjkëty yë'ë yajmooytyëp yë tuunk mëti'ipë ka'ap mëj'äämpy nyäxyën.

Eclesiastés 4:1

Ënätës ojts n'ixy ntuny wi'ix ja'ay tyaj'ëyoyën yaa naaxwiiny naaxkëjxy. Ënätës ojts n'ixy ko mëti'ipë ja'ay ëyoopën jëëytyëp yaxtëp yë'ëjëty ets ka'ap pën pyutëkëty; mëti'ipë ja'ay myëku'uk yaj'ëyoopyën ëxëëk myëku'uk tyajjaty tyajkëpety ets ka'ap pën pyutëkëty mëti'ipë ëxëëk yajtuuntëpën.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Mateo 2:3

Ko ja yajkutujkpë Herodes jëtu'un tmëtooy, tääts ojts tmëmay tmëtajy, näjyëtu'un mëët ni'ëmukë ja Jerusalén ja'ayëty.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.