Proverbios 29:18 - Biblia Dc en Mixe de Quetzaltepec

¹⁸ Ma ka'ap jyam'atyën ja ëëwij kajpxwijën mëti'ipë yë Dios jyä'ä'ajtypyën, ka'ap jam ni pën nyäjyä'äkyukëty ets ni pën jam tii oy tkatuny. Yë naax kajpn jotkujk yajpaaty ko ja'ay tuntë mëti'ipë Dios y'ënä'ämën'ajtypyën.

Biblia Mixe de Quetzaltepec

¹⁸ Ma ka'ap jyam'atyën ja ëëwij kajpxwijën mëti'ipë yë Tios jyä'ä'ajtypyën, ka'ap jam ni pën nyäjyä'äkyukëty ets ni pën jam tii oy tkatuny. Yë naax kajpn jotkujk yajpaaty ko ja'ay tuntë mëti'ipë Tios y'ënä'ämën'ajtypyën.

Proverbios 29:18 ပူးပေါင်းရင်းမြစ်များ

Lucas 11:28

Tääts ja Jesús y'ëtsooy: Yë'ë wäänëni'ik akujk jotkujk yajpatp mëti'ipë ja Dios ja y'aaw y'ayuk myëtoow'ijtëpën ets tpatuntë.

Santiago 1:25

E ja ja'ay mëti'ipë ka'ap tja'atyëkoyën mëti'ipë të tmëtoyën, tu'ukyë ja wyinma'any tpëjktä'äky wi'ix y'ënä'änyën ja ënä'ämën tëyajtën mëti'ipë yajnitsokpën ets xëmë tpatun, jotkujk xëmë y'ita'any.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Juan 13:17

Pën mja'akyujkëtëp ets mpatuuntëp, akujk jotkujk nëjkx mjuuky'atë.

Proverbios 19:16

Mëti'ipë ja'ay kyuuytyuunpyën yë ënä'ämën tëyajtën, yë jyuukyajtën kyëwent'ajtyp; mëti'ipë ja'ay ka'ap tkupëkyën mëti'ipë ja Dios jyanikäjpxypën, kë'ëm nyäyaj'ooky nyäyajtëkoyë.

Salmos 119:2

Janty jotkujk yë ja'ay jyuuky'atë mëti'ipë jyä'äkyujkëtëpën ja Wintsën ja y'ënä'ämën tyiyajtën,

1 Samuel 3:1

Ja Samuel janty'oy ijty ja Wintsën tmëtuny jam ma kyë'ë'am'atyën ja Eli. Jä'ä jëmëjt ka'ap ënety nëkooyë pën ja Wintsën tuknijawë ja y'aaw y'ayuk ets ka'ap nëkooyë pën wyinkuma'ay ëkë t'ixy tnijawë kuma'ayjoty mëti'ipë ja Wintsën tyunäämpyën.

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Éxodo 32:25

Tä ja Moisés t'ijxy ko ja naax kajpn niwi'ixtsow tkajëkyep wi'ix y'ëmontëtyën ets yajxon tjëkyäjpnë wi'ix ja myëtsiptëjk poj'am tyukja'tëtëtyën, jä'ä ko ja Aarón ka'ap ënety të myäyë wi'ix tyaj'ëmonëtyën,

Salmos 74:9

Ka'ap maa tii n'ëk'ijxnëtës ja mëti'ipë kënu'kxyën, ka'ap ma pën käjpxynyajxpënë mëti'ipë nyikajpxëpën tii ja Dios tyunäämpyën, ets ka'ap ëëtsëty nijawëtë mapaat jëtu'un y'ita'any.

Salmos 19:11

Ya'atë mëtuunpë oy ko jëtu'unpë aaw ayuk yajtukmëtoy, ets oy nyäjyawëty ko tpatuny.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

2 Crónicas 28:19

Wintsën ojts jëtu'un kë'ëm tuknipëjktaakë, mëët ko ja Ahaz ka'ap kyäpxyjyä'äykyujkë, mëti'ipë jam Judá ënä'ämp yajkutujkpën, tëë ënety ja Judá kajpn tyajma'aty, ka'ap ja Wyintsën Dios tmëj'ijxy tmëjpëjktäky.

Salmos 106:3

Jotkujk yë ja'ay yajpaaty mëti'ipë mëtëy tii nyipaye'epyën ets aakyë'ë tyuunpy oypyë wa'atspë.

Proverbios 8:32

E tyam, u'unkëty maayëty, mëtoow'ijtëkës. Jëtu'un winë xytyuntëty ijxtëm ëjts winë ntunyën, ënät jotkujk myajpaatëty.

Proverbios 29:19

Ko mëtuunpë je'eyë yajtukmëkäjpxy ko tii oy tkatuny, ka'ap tja'akyukë, jyamëtoow'ijtyp ja ijty, je'eyëp ko ka'ap tpatuny.

Salmos 119:1

Janty jotkujk yë ja'ay jyuuky'atë mëti'ipë mëtëy winë tyuuntëpën ets yi'iyë pyanëjkxtëp mëti'ipë yë Wintsën y'ijxpëjkën'ajtypyën.