Proverbios 29:16 - Biblia Dc en Mixe de Quetzaltepec

¹⁶ Pën nimayëtëp yë ëxëëkja'aytyëjk, näjyëtu'un yë nëë poky myäyë; e yë ja'ayëty mëti'ipë ënety oy juuky'ajtëpën, nëjkxëp t'ixtë ko ënety ja ëxëëkja'aytyëjk ëxëëk jyatë kyëpätë.

Biblia Mixe de Quetzaltepec

¹⁶ Pën nimayëtëp yë ëxëëkja'aytyëjk, näjyëtu'un yë nëë poky myäyë; e yë ja'ayëty mëti'ipë ënäty oy juuky'ajtëpën, nëjkxëp t'ixtë ko ënäty ja ëxëëkja'aytyëjk ëxëëk jyatë kyëpätë.

Proverbios 29:16 ပူးပေါင်းရင်းမြစ်များ

Salmos 92:11

Ëjts n'ixäämpyës wi'ix jyat kyëpätën yë nmëtsiptëjkës; ets nmëtowëpës kë'ëm ko ënety ya'axtë ja tuuntëkoopyëtëjkëty.

Salmos 91:8

Mijts je'eyëmës ko mnajam'aty: ets nëjkx xy'ixy wi'ix yë ëxëëk ja'ay jyatën kyëpätën ets tkumëtowtën yë pyoky.

Salmos 58:10

Jotkujk nyäjyawëja'anyë ja wa'ats ja'ay ko ënety të yajnipaye'ey ma ëxëëk të jyäty të kyëpetyën; jëtu'unyë nëjkx t'ateeny tukteeny ja jyot nye'pyny ja myëtsip ëxëëkpë jyä'äy'ätyën.

Salmos 37:36

e tëë ja jyëwa'knë, ka'ap ma y'ëkyajpatnë; tëës njajaak'ixta'ay, ka'apës ma të n'ëkpatnë.

Salmos 37:34

Mijts jämyë këx'ix ma Wintsënën, ets yi'iyë mëmëtow, yë'ë mkumayanëp ets mo'oja'anyë tu'uk yë naax kajpn tä tu'uk yë näkyumayën. Nëjkxëp kë'ëm xy'ixy wi'ix ënety ja ëxëëkja'aytyëjk kyutëkoytyën.

Proverbios 29:2

Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Salmos 112:8

Ja jyot wyinma'any mëk xëmë yajpaaty, ka'ap tsyë'ëkë, ko t'ixy yë myëtsip je'eyë tukxi'iky.

Salmos 92:9

Tää tu'uk yë tëyajtën Wintsën, yë'ë ko mmëtsiptëjk nëjkxëp jëna'a kyutëkooytya'atë ets tëkokyë tuuntëkoopyë, axit ako'owë jyajta'aja'antë.

Proverbios 21:12

Yë juuky Dios, wa'ats t'ixy yë jyëën tyëjk yë ëxëëk ja'ay, ets xit ko'ow tyajjaty yë ëxëëkja'aytyëjk.