Proverbios 29:15 - Biblia Dc en Mixe de Quetzaltepec

¹⁵ Mëët yë näywyop näkya'atsë ja'ay tii tjaty, yë u'unk ëna'k mëti'ipë yajtsojkni'ikëpën je'eyë tyaak tyajtsëtyuny.

Biblia Mixe de Quetzaltepec

¹⁵ Mëët yë näywyop näkya'atsë ja'ay tii tjaty, yë u'unk ëna'k mëti'ipë yajtsojkni'ikëpën je'eyë tyaak tyajtsëtyuny.

Proverbios 29:15 ပူးပေါင်းရင်းမြစ်များ

Proverbios 17:25

Yë u'unk ëna'k mëti'ipë tsuujën, je'eyë tyaak tyeety tyajjoot'anpëky ets tyajmony tyajtuky.

Proverbios 29:17

Mtukumëtowëp yë m'u'unk m'ëna'k ko tii oy tkatunëty, jëtu'un jotkujk myajjuuky'atëtëty; ets mmo'ojëtëty ja xoontakën.

Proverbios 13:24

Mëti'ipë yë ja'ay ka'ap yë y'u'unk tukumëtoyën ko tii oy tkatuny, kyatsojkpy jëtu'un; e mëti'ipë ja'ay yë y'u'unk tsyojkpy jya'apën, tyukumëtoopy yë pyoky.

Proverbios 10:1

Ya'atë Salomón y'aaw'ajtyp y'ayuk'ajtyp: Yë u'unk ëna'k wijypyë ets mëti'ipë winë nyija'apën yajxoontäkpy yë tyeety tyaak; e ja mëti'ipë winma'anytyukën ets tsuujën je'eyë ja tyeety tyaak tyajmony tyajtuky.

Proverbios 22:6

Yaj'ijxpëk ja u'unk ëna'k tyam ma myutsk'atyën, ko myëjja'ayëty, ka'ap nëjkx tsuu yajpaaty.

Proverbios 22:15

Tsuuja'ay y'ëna'k'aty, yë tsuu'at jëwa'kp yë'ë ko yajtukwopë.

Proverbios 17:21

Ko u'unkteety yë y'u'unk y'ëna'k ka'ap nijënu'un jyä'äkyukë, je'eyë yajmony yajtukyë; ko tu'uk yë u'unkteety tmëët'aty yë y'u'unk mëti'ipë tsuujën, ka'ap jyotkujk'ajtënëty.

Proverbios 10:5

Yë wijytyëjkëty jää yë pëjktä'äky tyajmuktë ko pyojë'ëky, yë tsuutëjkëty jää mya'atë ko ja pëjktä'äky myuka'any.

1 Reyes 1:6

Nitëkok ojts yë tyeety mëët kyanäy'ojyë ets nijëna'a kyayajtëëwë tiijëtën ko ënety jëtu'un winë tuny. Adonías ok ënety të myiny naaxwiiny jëyëjp yë Absalón ets janty'oy tsuj ja jot winma'any tmëëtëty.

Proverbios 29:21

Ko ja'ay tsojkni'ikë yë tyuunpë ma myutsk'atyën, ko myëjnë'ajnëty ka'ap nëjkx wyinkutsë'ëkëty.

Proverbios 19:18

Tukumëtow ja m'u'unk ma winë oy tkatunyën ma tyam tjëkyepyën; e ko xytyukkumëtowëty këtii ënät xytyimyaj'ookaanpëty.