Proverbios 29:13 - Biblia Dc en Mixe de Quetzaltepec

¹³ Mëti'ipë ëxëëk yajtuunpën ets mëti'ipë ja myëku'uk ëxëëk tyuunpyën, nimäjtsk tu'knax yë'ëjëty: jä'ä ko Dios yë ijxën të myo'ojëtë.

Biblia Mixe de Quetzaltepec

¹³ Mëti'ipë ëxëëk yajtuunpën ets mëti'ipë ja myëku'uk ëxëëk tyuunpyën, nimäjtsk tu'knax yë'ëjëty: jä'ä ko Tios yë ijxën të myo'ojëtë.

Proverbios 29:13 ပူးပေါင်းရင်းမြစ်များ

Mateo 5:45

Jëtu'un xyajnikëxë'ëktëty ko Dios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Proverbios 22:2

Yë kumeenyjyä'äy ets ëyoopëja'ay tu'knax yë'ëjëty; Dios të yajkojëtë nimäjtskëty.

Salmos 13:3

Wintsën, ni''ijxkëtakës ets mooykyës ja të'kxën jajën mëti'ipës winë oy tsuj xytyuk'ixëpën. Ka'apës mëpaat ja tsuu ma'ay xywyiintëkë; këtiipës ëxëëk njatëty nkëpätëty.

Efesios 2:1

Miitsëty jëtu'un ijty m'itë ijxtëm ja o'kpën, jä'ä ko pokyjoty ijty myajpaatë.

1 Corintios 6:10

Këtii myajwin'ëëntëty, jä'ä ko jam ma ja Dios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Mateo 9:9

Ko ja Jesús jam tsyo'ony, ënät ojts t'ijxpaaty tu'uk ja ja'ay mëti'ipë xyëëwajtypyën Mateo. Jam ënety ja Mateo y'u'unyë ma ja Roma yajkutujkpë yajmëkëpetyën ets t'ënëmaay: Pamiinkës. Ënet ja Mateo wya'kujkëy ets tpatso'ony.

Esdras 9:8

E yë'ë ënät näjyëtu'un nnikajpxäämpyës ma mijtsën Wintsën, mëët yë'ëkyëjxm ko xymyëët'aty ja oyjyot oywyinma'any paatyës të nyajmo'otë ja ëwaatsëtuuy'ajtën ets tëëjës nyajnajtsmatsëtë ets nkojtëtyës ja njëën ntëjkëtyës ma ja oynyaax kënu'kxynyaaxën; jëtu'un tä jeexyë ëëts jemy ja të'kxën jajën npaatën jëtu'un ëëts jatëkok të xyaj'ijxë'ëktë, jëtu'un ëëts jatëkok të näjyawëtë tä jeexyë xyajpo'kxtënës ma ëëts mëk nmëtun n'ëyowtën.