Proverbios 28:25 - Biblia Dc en Mixe de Quetzaltepec

²⁵ Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Dios tyuk'ijxpejtypyën, jotkujk jyuuky'ata'any.

Biblia Mixe de Quetzaltepec

²⁵ Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Tios tyuk'ijxpejtypyën, jotkujk jyuuky'ata'any.

Proverbios 28:25 ပူးပေါင်းရင်းမြစ်များ

1 Timoteo 6:6

Tëy ko mëj oyajtën yajpatp ko nmëpëjkmëty, je'eyëp ko, ënät ko ntukjotkujk'ajtmëty yi'iyë mëti'ipë nmëët'ajtëmën.

Proverbios 11:25

Ja'ay mëti'ipë ayajk ako'onëpën, ni'ikyë jyotkujktä'äky; mëti'ipë winë yäjkpyën, näjyëtu'un winë t'ëxajë.

Proverbios 13:10

Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Proverbios 13:4

Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Proverbios 10:12

Yë näy'ëxëëk'ixë je'eyë yajtsiptuny, e yë tsojkën ja'awën myä'kxtääpy yë nëë poky.

Proverbios 29:25

Mëti'ipë ja'ay myënaaxwiinyëtë ja'ay tsyë'këpën, kyë'ëm winma'any ëxëëk yajjajt yajkëpäjtëp; e mëti'ipë ja'ay yë Dios tyuk'ijxpejtypyën, Dios këwent'atanëp.

Proverbios 29:22

Mëti'ipë ja'ay ëxëëk ëtëtsp ënaanpën ets janty pojën winë timtyunankojy, je'eyë xëmë tsyippaata'any ets ka'ap tii oy tunëty.

Proverbios 22:10

Ko yaj'ixkexy yë ja'ay mëti'ipë je'eyë jotmay y'ixkujkëpën, myënëjkxyp näjyëtu'un ja tsyip y'äkë, jëtu'un jäpaat kyixy nyäxy ja tsip käjpxy ets ja näyajjotkëxë.

Proverbios 21:24

Nämyëja'aw näjyääntyja'awëpë, ets ëxëëk ja'ay ka'oyjyä'äy yajtijy mëti'ipë mëj këjxm ja'ay'ajtpën.

Proverbios 15:30

Ko ja'ay oy wyintë'kxy yäjkpy jotkujk'ajtën; ko pën tmëminy oy aaw oy ayuk yajjotmëkmëjkp yë'ë.

Proverbios 15:18

Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Salmos 84:12

Wintsën mëti'ipë maaytyääyëpën winë, janty jotkujk yë ja'ay yajpaaty mëti'ipë mijts mtuk'ijxpäjtëpën.

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënety muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Proverbios 10:3

Dios ka'ap tyaj'ayuu'aty yë ja'ay mëti'ipë oyjyä'äyën, mëti'ipë ëxëëk ja'ay'ajtpën ni'ikyë tukpaaty yë yuu, e oy jyakaay jya'ukpë, je'eyëm yë yuu tjawëja'any.

Proverbios 15:27

Mëti'ipë ja'ay ëxëëk y'atsokyën, yë'ëpaat jyëën tyëjk tyajtëkoy; e mëti'ipë ja'ay ka'ap tii t'ixk'atyën, nikë jotkujk jyuuky'äty.