Proverbios 28:12 - Biblia Dc en Mixe de Quetzaltepec

¹² Ko yë wa'ats ja'aytyëjk myëta'aktë, xoontaktëp ja ja'ayëty; ko yë ëxëëkja'aytyëjk myëta'aktë, näyu'tstaayëp yë ja'ay.

Biblia Mixe de Quetzaltepec

¹² Ko yë wa'ats ja'aytyëjk myëta'aktë, xoontaktëp ja ja'ayëty; ko yë ëxëëkja'aytyëjk myëta'aktë, näyu'tstaayëp yë ja'ay.

Proverbios 28:12 ပူးပေါင်းရင်းမြစ်များ

Proverbios 29:2

Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Proverbios 11:10

Ko yë wa'ats ja'aytyëjk jyotkujkta'aktë, yë naax kajpn jotkujk näjyëtu'un yajpaaty; ko yë ëxëëkja'aytyëjk y'ooktë, xoontakp yë naax kajpn.

Proverbios 28:28

Ko ëxëëkja'aytyëjk myëta'aktë, näyu'tstaayëtëp ja'ay; ko y'ooktë tyëkoytyë wa'ats ja'aytyëjk jää mëtaktëp.

Jeremias 36:26

ni'ikyë ojts tni'ënä'ämë ets ja Jeremías ets ja jyääpyë Baruc yajmatstëty. Ets tuknipëjky ja Jerahmeel, yë'ë yajkutujkpëtëjk jyä'äy ets ja Seraías, yë Azriel yë myaank ets ja Selemías, yë Adbeel yë myaank. Je'eyëp ko yë Jeremías ets Baruc ojts yë Wintsën yu'utsëtë, ka'ap yajpatë.

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Eclesiastés 10:16

Janty mon janty tuk yajpaaty yë kajpn mëti'ipë kyutujkpë'ajtypyën tu'uk pi'k ëna'k ets mëti'ipë yë myëjja'aytyëjkëty ëmu'ukyëpë kyuxëënyëtën ma xyëëwtun xyëëwkajpxtën.

2 Crónicas 7:10

Ma y'i'px tëkëëk anyën ja myëwëxtujk po'opë, jää ja yajkutujkpë ojts t'ënëmaaynyë ja mayjyä'äy ets ye'eywya'kxtaaynyëtëty ets wyimpijnëtëty jatëkok ma jyëën tyëjkëtyën akujk jotkujk, mëët ko të t'ixtë wi'ix ja Wintsën t'oyjyawën ja David, ja Salomón ets Israel kajpn.

1 Reyes 19:3

Elías ojts t'ixy ko nakutsë'ëkë ënety jam yajpaaty, paaty ojts nyijkxy jam Beerseba, mëti'ipë Judá jyä'äy nyitënaaytyëpën ets ja jyuukyajtën tyajtsoky, jam t'ëxmajtsy ja tyuunpë.

1 Reyes 18:13

¿Ti këtiijën pën të mtuk'ëwa'anxëty wi'ixës ojts tëëyëp may ja Wintsën ja myëtuunpë nyajtsokënë, ko ja Jezabel tyaj'o'ky mëti'ipë ja Wintsën myëtuuntëpënë? Ëjts mayës ojts nyu'uty, wëxtyikxy majkjaty ojts mpëjkwa'kxës etsës jap aankjoty mpëjktaktaay japtsës ntukninëjkx ja kyä'äyënëty y'ukënëty.

1 Samuel 24:11

Paaty tyam Wintsën, ix yajxon mëti'ipës yam nkë'ëpëk'ajtypyën: tu'këëtsy yë Wintsën yë nyijän mëti'ipë të tjajëkyepyën jeexyë të nyaj'ookyës. Yë'ë jëtu'un mtukja'akyukëp ko ka'apës mijts n'ëxëëktuna'any, ka'apës ntsoky ets ëxëëk mjatëty mkëpätëty ets ka'apës ma mëyajtën wintsë'kën nyajtëkoy ma mijtsën. E mijts janty jëtu'unës xy'ixjëtijt xypyajjëtijnë etsës xyaj'ooka'any xyajtëkoyä'äny.

Jeremias 36:19

Ënet t'ënëmaaytyë ja Baruc: Mijts ets mëët yë Jeremías nëjkx ixtë ma mnäyu'utsëtë ets ni pën mëpaat tkanijawë ma myajpaatën.