Proverbios 28:1 - Biblia Dc en Mixe de Quetzaltepec

¹ Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.

Biblia Mixe de Quetzaltepec

¹ Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.

Proverbios 28:1 ပူးပေါင်းရင်းမြစ်များ

Deuteronomio 28:7

Yë'ë nëjkx myajmëtä'äkyë, ko ënety ja mmëtsip mëët mnäpyäätyë, ëkë ko ënety ëxëëk mjatuna'anëtë. Yë'ëjëty nëjkx janty nimay jyatsoontë ets waatswitsy jyamintëty, tääts nyätyijyë myajkutëkoya'anëtë, ko ënety miitsëty mnäkyuwa'anëtë, yë'ëjëty jëtu'unyë nëjkx kyäkta'atë.

Salmos 53:5

Oy ënety ka'ap ma tii mëti'ipë oytsyë'kënyën, yë'ëjëty nëjkxëp tsyë'ëkëtë; Dios jëtu'unyë tyajtsëtyuuypyëka'any yë mëtsiptëjk. Ka'ap nëjkx wyinma'anypyaatë, jä'ä ko Dios yë'ë ënety ka'ap y'ëktsojkënëtë.

Salmos 112:7

Ka'ap tsyë'ëkë ko tii aaw tii ayuk tmëtoy atsë'ëk ajawëpë; ja jyot wyinma'any mëk xëmë yajpaaty, jä'ä ko yë'ë Wintsën tyuk'ijxpejtyp.

1 Tesalonicenses 2:2

Mnija'awëtëp näjyëtu'un ko oyës ojts nyajwinkäjpx nyajjëjpkajpxtë ëkë o'ktëyës nyajtuuntë jam Filipos, ojts ëëts ja Dios xypyutëkë ets myajtuk'ëwaanëtëty ja aaw ayuk oypyë. Aamëk jotmëkës ojts nkajpxwa'kxtë oy ja ëtujkpë jam ni'ik jyayajpaty.

Hechos 4:13

Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënety maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

Hechos 14:3

E ja Pablo ets ja Bernabé ojts jam jyaak wë'ëmtë kanaak xëëw, yë'ë xëmë ja Wintsën tyuk'ijxpäjtë paaty ojts myëtya'aktë amëk jotmëk; ets ja Wintsën jä'ä yajtëytyëjkëp mëti'ipë yë'ë nyimëtyaktëpën ko myo'ojëtë ja mëk'ajtën ets ja mëj'ajtën tyaj'ixëtëty.

Jeremias 20:4

Jä'ä ko jëtu'un yë Wintsën y'ënä'äny: Kutsë'ëkë nyaj'awinpita'any, yë'ëpaat nëjkx mtsë'ëkëty yë ja'ay mëti'ipë mëët oy të mnäjyawëtyën; m'ixëp ko ënety ja mmëku'uktëjk yaj'ookyë yë myëtsiptëjk. Nkë'ëyakäämpyës yë Judá ja'ayëty ma Babilonyë yajkutujkpën, may nëjkx tsumy matsy yajmënëjkxtë jam Babilonyë ets may nëjkx yajkupuxtë.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

2 Reyes 7:15

Wa'ats ojts tyajnëëye'ey tyajtekye'eytyë ja sirië ja'ayëty jampaat tpaja'ajtë ma ja Jordán mëjnëë jyënäkyën ets t'ijxtë ko kujy jëpipy ja wit jyänty y'ity mëti'ipë ja sirië ja'ayëty të tnikä'äktën. Tä ja ja'ayëty ojts jatëkok wyimpijnëtë mëti'ipë ënety ojts të kyexye'eytyën ets tnimëtyaktë wi'ix winë të t'ixtën.

Isaías 7:2

Jää jëmëjt ojts ja aaw ayuk tukninëjkxtë ja yajkutujkpë Ahaz ma ja jyëën tyëjkën, jëtu'un t'ënëmaaytyë: Yë yajkutujkpëtëjk mëti'ipë Siria ja'ayëtyën tëë käjpxytyu'unën tuntë mëët yë Efraín ja'ayëty. Tä ja yajkutujkpë tyëjkëy tsëyuuypyë mëët ja nyaax kyajpn ijxtëm aay kepy tsyëtyuyën ko pyojyu'kxy.

Éxodo 11:8

E ya'atë wintsëntëjkëty nëjkxëp jää xynyimintës ets koxtänë nëjkx kya'atë ets xy'ënëëmëtëtyës: Tun yë mëyajtën, nëjkxtë ets woownëjkxta'atë tëkokyë yë mja'ay. E ëjts ka'apës jää ntsojktsoona'any pën ka'ap ënety jëtu'un tyunyë jyätyë. Yë Moisés yajxon ënety të jyoot'anpëky, ko ojts jap tsyo'onë ma ja mëj'ënä'ämpën.

Nehemías 6:11

E ëjts tyaajës n'ëtsooy: Ja'ay jëtu'unpë tä ëjtsën ka'ap tii tkuke'eky, wi'ix ko jap tsajptëkoty kyukääkëty pën tëë tnijawë ko ja'ay yaj'ooka'anyë. Ëjts, tyamës yajxon nyikäjpxy ko jap tsajptëkoty ka'apës jap ntëkëja'any.

Proverbios 27:27

ets tsi'tsknëë mëti'ipë mëët xy'uukëty yë m'u'unk m'ëna'k ets mtuunpëtëjk.

Isaías 30:17

Tu'uk ja ja'ay nëjkx je'eyë y'ity mëti'ipë nitu'kmil yajkä'äkëpën, nimëkoxk ja ja'ay nëjkx y'itë mëti'ipë myajkäkta'ajëtëpën; koonëm niwäänë mwë'ëmtëty, jëtu'un tä tu'kpajk muum yë kepy të yajkuwopën tunkëjxm mëti'ipë ja'ay ijxpäjn wyäämpyën.

1 Reyes 1:49

Ënet ja ja'ayëty tyëjkëtyë tsëyuuypyë mëët ja tsë'ëkë mëti'ipë ënety ja Adonías të twoyën kääpyë ets pyëtë'ktaaytyë, xim yam ojts jyaak kä'äktë jëtu'un tä tyu'upatën.

Job 15:21

Myëtoopy tii mëti'ipë ëtsë'këyëpën; ko nyäjyawëty jotkujk, jää mä'tspë tyukja'tyë.

Salmos 53:6

Jääpëk jeexyë myiny yë Israel kajpn nyitsokën ma Sión kopkën. Ko ënety yë Wintsën tyaj'oyë yë nyaax kyajpn, wi'ixpëm nëjkx xyoonta'aktë Jacob yë y'u'unk y'ok, ets tu'kë'ëyë Israel kajpn.

Proverbios 10:9

Mëti'ipë ka'ap maa nyu'kxyën ka'ap tii tsë'ëkë; mëti'ipë ëxëëk ja'ay'ajtpën, ëxëëk kyukëxë.