Proverbios 27:18 - Biblia Dc en Mixe de Quetzaltepec

¹⁸ Mëti'ipë kyëwent'ajtypyën, yë y'ääytyëëm y'ujtstëëm kë'ëm tjë'kxy tpëky; pën kyëwent'ajtyp yë wyintsën, kumay nyäxy.

Biblia Mixe de Quetzaltepec

¹⁸ Mëti'ipë kyëwent'ajtypyën, yë y'ääytyëëm y'ujtstëëm kë'ëm tjë'kxy tpëky; pën kyëwent'ajtyp yë wyintsën, kumay nyäxy.

Proverbios 27:18 ပူးပေါင်းရင်းမြစ်များ

2 Reyes 18:31

këtii xymyëpëktëty. Yë Asiria yajkutujkpë paatyës të xykyexy ets miits n'ënëëmëtëty ets xytyuntëty tu'uk yë näykyajpx'oyë mëët yë'ë ets m'ëna'antëty ko ka'ap ntsiptuna'antë ets tu'k'ëtëyë je'eyë jam mtimnyäykyuwanëtëty ma Asiria ja'ayëtyën; jëtu'un ja mkam mtu'ujëty je'eyëm xymyëët'atëty ets xyjyë'kxtëty xypyëktëty ja mëti'ipë të xypyän të xykyojtën.

2 Reyes 3:11

Tä Josafat tyajtëëy: ¿Yaa ka'ap maa ja'ay mëti'ipë Wintsën myëtuunpyënë, tääts jeexyë yë'ë nyajtë'ëwëm tii tunan jatanëp? Tääts ojts tu'uk ja ja'ay y'ëtsoy, yë'ë yajkutujkpë ja tsyiptuunpë wintsën: Tyaa yë Elisejë, yë myaank yë Safat, mëti'ipë ijty mëët jyëtityën yë Elías.

2 Reyes 5:25

Ënet tsyo'ony ets ojts tninëjkxy ja wyintsën, tä yajtëëwë ja Elisejë: ¿Maajën të m'otsy Guehazí? Ka'ap maa, jëtu'un y'ëtsooy ja Guehazí.

2 Reyes 5:27

Paaty, mëët ko jëtu'un ja winma'any të xypyääty, ja pu'uts pa'am mëti'ipë ja Naamán të tmëët'atyën jam ënät pyäjta'ajëty ma mnini'kxën ets ma m'u'unk m'ëna'kën winë xëëw. E paaty ko ja Guehazí, tim je'eyë jam tsyo'ony, tëë ënety ja pu'uts pa'am nyäpyataayënë, je'eyë yaj'ijxkojnë poop këëynyë jä'ä yowë pixyny.

Ester 6:11

Ënet ja Amán ojts jap tjuuty ja yajkutujkpë ja wyit ma jap pëjkë'ëky y'ityën, ets tmëkäjëy ja kwaay. Tääts txojxy ja Mardoqueo ets tyajtso'ony kwaaykyijxy ets mëk yyä'äxy jyoky ma jam twinwitsyën ja kwaay mëti'ipë ja Mardoqueo tyuk'u'unyääpyën: Jëtu'un ja ja'ay yajkukajpxë mëti'ipë ja yajkutujkpë y'oyjya'apën.

Salmos 123:2

Mëët yë waantakën nu'kxtakën jam nkëx'ixtës ma Tiosën mëti'ipës nWintsën'ajtëpën, jëtu'un tä tu'uk yë mëtuunpë twintë'kxyën yë wyintsën, ets jëtu'un tä tu'uk yë to'oxytyëjk twintë'kxyën yë wyintaj, n'a'ix njëjp'ixtës etsës xypya'ëyow xynyajts'ëyowëtëty.

Éxodo 24:13

Ënet ja Moisés pyëti'ky ets ojts jam pyety ma ja Dios ja kyopkën, ojts pyanëjkxyë ja Josué mëti'ipë ijty xëmë jämyëët'ajtëpën.

Proverbios 17:2

Tu'uk yë mëtuunpë wijypyë tsojk wintsën nyaxëty ma tu'uk ja u'unkën mëti'ipë ka'ap nyitëkëtyën y'u'unk'atëty; ets nëjkxëp tpëky ja kyuma'ayën jëtu'un tä jeexyë y'u'unkëtyën.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

Proverbios 27:17

Yë juunpujxn jam yajme'ey ma juunpujxnën, ko ja'ay y'oyëja'anëty, myënaaxwiinyëtë ja'ay yaj'oyëtëp.

Proverbios 27:19

Jëtu'un ijxtëm yë wiin jëjp y'akëxë'ëkën nëëjoty, jëtu'un yë ja'ay yë jyot wyinma'any tyajwinkëxë'ëky.

Cantares 8:12

Yë tu'kmilpë yë poop pujxn meeny mijts yë mjä'ä, Salomón, e yë mäjtsk mëko'pxpë yë'ë jyä'ä'atëp yë këwent'ajtpëtëjkëty; ëjts kë'ëmës yë ntsatsym kam nkëwent'aty.

Isaías 36:16

këtii xymyëpëktëty. Yë yajkutujkpë, Asiria ja'ay, jëtu'un m'ënë'ëmxëtë ets mëët ja tsip xykyajpx'oyëtëty ets tu'k'utëyë je'eyë mtimnyäkyë'ëyakëtëty, jëtu'unts xyjyë'kxtëty xypyëktëty ja mkë'ëmtsatym mëti'ipë të xynyiyu'ujëtën ets ja xe'enky tsya'am xyjyë'kxtëty mëti'ipë mkamjotm myaj'itëpën ets akujk jotkujk xy'uuktëty xypyëktëty ja nëë mëti'ipë të xynyipotsëtën.

Mateo 24:25

Tëë yam ntuk'ëwaanëtë mëti'ipë tunan jatanëpën.

Mateo 24:46

Akujk jotkujk ja tuunpë yajpaaty mëti'ipë tukxoonta'akanëpën ja Wyintsën ko ënety pyäätyë tuunp mëtoop.

Marcos 10:43

E ma miitsëtyën ka'ap tjëkyepy jëtu'un pën jyä'äy'atëty. Pën tsyojkën'ajtyp mëj y'ita'any ma miitsëtyën, myëtunëp jëyëjp ja myëku'uktëjk.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Lucas 12:42

Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

Lucas 19:17

Tääts ja yajkutujkpë y'ëtsooy: Oy jëtu'un, oy mijts të mtuny. Jä'äkyëjxm ko oy yiin wään tii të myajmo'oy tëë oy xyajtuunkpaaty; tyam mijts ntuknipëky ets myajkutukëty majk kajpn.

Juan 12:26

Pën jääjës pën xymyëtun'any, wä'änës xypyaminy; ets pën maas ënety nyajpaaty, jam näjyëtu'un yajpaata'any mëti'ipës ënety xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Hechos 10:7

Tääts ko ja tsajpjotmëtë kukäjpxy tsyo'ony, ënät ja Cornelio tmëjwooy nimäjtsk ja tyuunpë ets näjyëtu'un tu'uk twoowtsooy ja tsiptuunpë mëti'ipë myëku'ukja'apën ets wyintsë'këp ja Dios.

1 Corintios 3:8

Pën kojtëp niptëp ets yaj'ujtsxo'ktëp, tu'knax yë'ëjëty, oy nëjkx këëkjä'ä yajmëjuytyë ja tyuunkëty.

1 Corintios 9:13

Mnija'awëtëp miits ja ja'ayëty wi'ix jyuuky'atën mëti'ipë tuuntëpën jap mëjtsajptëkoty, yë'ë tyukjuuky'ajtëp mëti'ipë ja ja'ay yojxtëpën ets mëti'ipë tuuntëpën ma ja wintsë'këntyaknën; tsyu'tstëp ja jëyujk tsu'utsy mëti'ipë wintsë'kën'ajtpën.

1 Corintios 9:7

¿Wä'än jëtää ja tsiptuunpë kë'ëm nyämyëjuyë? ¿Wä'än jëtää ja tsatym nyiyu'ujëpë ka'ap tjë'kxy ja tsatym kyo tyëëm'atyë? ¿Ëkë jää jëtää ja kupixyny këwent'ajtpë ka'apë t'uukyën ja lechë mëti'ipë yajma'tspën ma ja kupixyny taakënë?

Colosenses 3:22

Mëtuunpë, mëmëtowtë mëti'ipë mtuk'ënä'ämëtëpën ja mwintsënëty yaapë naaxwiinyëtën, ka'ap yë'ëkyëjxm tii xytyuntëty oy ko ënety jam m'ixëtë ets mëët oy mwë'ëmtëty; ëmuumtu'ukjot xymyëtuntëty ijxtëm ja Dios tyajkutukyën ets ijxtëm pyaat'atyën.

2 Timoteo 2:6

Yë ja'ay mëti'ipë naax tuunpën myëët'ajtyp ja tëyajtën ets jëyëjp tpëkëty ja pëjktä'äky mëti'ipë paat'ajtëpën.

1 Pedro 2:18

Mëtuunpëtëjkëty, mëët ja wintsë'kën xymyëtuntëty ja mwintsënëty, ka'ap yi'iyëty mëti'ipë yujy tëtä'äky ja'ay'ajtpën, näjyëtu'un mëti'ipë ëxëëk ja'ay'ajtëpën.

1 Pedro 2:21

Paaty ja Dios të mmëkajpxëtë, jä'ä ko tëë ja Kristë mku'ëyowëtë ets të najtstunë mëti'ipë miits xykyuuy'ixtëpën.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.