Proverbios 27:17 - Biblia Dc en Mixe de Quetzaltepec

¹⁷ Yë juunpujxn jam yajme'ey ma juunpujxnën, ko ja'ay y'oyëja'anëty, myënaaxwiinyëtë ja'ay yaj'oyëtëp.

Biblia Mixe de Quetzaltepec

¹⁷ Yë juunpujxn jam yajme'ey ma juunpujxnën, ko ja'ay y'oyëja'anëty, myënaaxwiinyëtë ja'ay yaj'oyëtëp.

Proverbios 27:17 ပူးပေါင်းရင်းမြစ်များ

Proverbios 27:16

Ko nja'ëtuka'anmëty wi'ëxmës xytyuny, jëtu'un tä pojën wi'ëxmës xy'ëk'ëtuky, ets on wi'ëxmës xy'ëkmatsy.

Proverbios 27:18

Mëti'ipë kyëwent'ajtypyën, yë y'ääytyëëm y'ujtstëëm kë'ëm tjë'kxy tpëky; pën kyëwent'ajtyp yë wyintsën, kumay nyäxy.

Proverbios 27:9

Yë jot winma'any yë'ë mëët jyotkujkë oyëtypë tsooy mëti'ipë pa'akxu'kpën; Näyjyëtu'un ja oypyë ja ëëwwij kajpxwijën yajjotkujktäkpy ja jëëky mëku'uk.

Proverbios 29:22

Mëti'ipë ja'ay ëxëëk ëtëtsp ënaanpën ets janty pojën winë timtyunankojy, je'eyë xëmë tsyippaata'any ets ka'ap tii oy tunëty.

Juan 11:29

Wi'ix ja Maria jëtu'un tmëtooy, ënätyë tsyo'ony ets ojts ninëjkxy ja Jesús.

1 Tesalonicenses 3:3

këtiipë pën myäyëty tyajëty ma ya'atë tsyiptä'äkyën. Wa'ats xynyijawëtë ko tëë nyajtuknipëjktakëmë ets n'ëye'eymyëty.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

2 Timoteo 2:3

Mëtänë ja ëyo'on, ijxtëm tu'uk ja tsiptuunpën ko ja Kristë Jesús yë'ë xymyëpëky.

Hebreos 10:24

Tsojk n'ixta'ayëm wi'ix nnäpyutëjkëmëty nixim niyam, wi'ix nätsyojkëmëty ets wi'ix ntu'unmëty ja oypyë.

Santiago 1:2

Mëku'uktëjkëty, akujk jotkujk miits mnäjyawëtëty ko xymyënax xyajnaxtë ja ëyo'on jotmay kanaakjëjp.

Josue 1:18

Pën ka'ap mëmëtoyë mëti'ipë ënety mjatuk'ëne'empyën, nëjkxëp tku'ookë. Yi'iyë yajtsojkp ko mijts jotmëk mja'ay'atëty ets këtii nijënu'un mtsë'ëkëty.

Josue 2:24

Y'ënantë: tääpë it naaxwiinyëtë tëë Wintsën xymyo'oyëmë. Yë ja'ayëty jampë tsyëënëtën tëë tsë'ëkë tyuktëjkëtya'ajëtë mëët ëëts'ajtëmë.

1 Samuel 23:16

Tu'kxëëw tu'kjëmëjt ojts ja Jonatán tninëjkxy ja David jam Horés ets tjotmëkmo'oja'any ets yë'ë tu'ukyë tuk'ijxpätëty yë Dios.