Proverbios 27:11 - Biblia Dc en Mixe de Quetzaltepec

¹¹ U'unk maay, wijy mja'ay'atëty, ets jëtu'unës ëjts jotkujk nnäjyawëtëty, jëtu'un tjëkyäpëty n'ëtsowëtyës ja mëti'ipës xyajjoot'anpëjktëpën.

Biblia Mixe de Quetzaltepec

¹¹ U'unk maay, wijy mja'ay'atëty, ets jëtu'unës ëjts jotkujk nnäjyawëtëty, jëtu'un tjëkyäpëty n'ëtsowëtyës ja mëti'ipës xyajjoot'anpëjktëpën.

Proverbios 27:11 ပူးပေါင်းရင်းမြစ်များ

Salmos 119:42

Jëtu'un tjëkyäpëty n'ëtsowëtyës mëti'ipës xyajjoot'anpëjkpën, jä'ä ko yë'ëjës ntuk'ijxpejtyp yë m'aaw m'ayuk.

Salmos 2:10

Miitsëty ënä'ämpëtëjkëty wintsëntëjkëty naaxwiinypë, ja'akyukëtë ya'atë. Jatë nijawëtë mëti'ipës yam nkäjpxypën.

Proverbios 10:1

Ya'atë Salomón y'aaw'ajtyp y'ayuk'ajtyp: Yë u'unk ëna'k wijypyë ets mëti'ipë winë nyija'apën yajxoontäkpy yë tyeety tyaak; e ja mëti'ipë winma'anytyukën ets tsuujën je'eyë ja tyeety tyaak tyajmony tyajtuky.

Proverbios 15:20

Yë u'unk ëna'k wijypyë, akujk jotkujk yë tyeety tyaak tpëjktä'äky; e mëti'ipë tsuujën, ka'ap yë tyeety tyaak tsoky.

Proverbios 26:16

Yë ja'ay mëti'ipë nuuxën janty ixpëky ni'ik nyäjyawëty këtiinëm wëxtujk yë wijyjyä'äy mëti'ipë tyukjajtëpën y'ëtsowtëty.

Proverbios 27:12

Mëti'ipë ja'ay këpetyën, y'ijxyp ma kyutsë'ëkëtyën ets ka'ap jam nyäxy, e mëti'ipë ka'ap kyëpetyëtyën, ni'ikyë tyu'uye'ey'ëti'ity ets ëxëëk jyäty kyëpety.

Proverbios 29:3

Yë u'unk maay mëti'ipë wijyën, jotkujk yë tyeety tyaak tyajnäjyawëty; e mëti'ipë yi'iyë to'oxytyëjk pyajëtijtypyën, je'eyë nëkoo meeny tyaj'ixtuny.

Filemón 1:7

Akujk jotkujk ets xoontä'äkyës nnäjyawëty ko xytsyoky xyjyawë ja mëku'uk, ets të xyajjotkujktä'äky ja mëpëjkpëtëjk mëtipë yajpatëpën ma ja Dios ja nyaax kyajpnën.

2 Juan 1:4

Akujk jotkujkës näjyawëty koos të npaaty ma miitsëtyën mëti'ipë kyuuytyuuntëpën ja ënä'ämën tëyajtën, mëti'ipë ja Dios të tnajts'ënä'ämën.