Proverbios 26:24 - Biblia Dc en Mixe de Quetzaltepec

²⁴ Mëti'ipë ëxëëk'ijxpën, ka'ap tyajmëtoyë ko myëtyä'äky, e jap ma jyot wyinma'anyën ëxëëk jap winë tmëmay tmëtajy.

Biblia Mixe de Quetzaltepec

²⁴ Mëti'ipë ëxëëk'ijxpën, ka'ap tyajmëtoyë ko myëtyä'äky, e jap ma jyot wyinma'anyën ëxëëk jap winë tmëmay tmëtajy.

Proverbios 26:24 ပူးပေါင်းရင်းမြစ်များ

Proverbios 12:20

Ma ja ëxëëkja'aytyëjk winë tnimay tnitajëtën yë'ë jam yajpatp win'ë'ënën, e ma ja wa'ats ja'aytyëjk tii tnimëtya'aktën jotkujk'ajtën jam ets xoontakën.

Proverbios 10:18

Antakp yë ja'ay mëti'ipë ka'ap tyajkëxë'ëkyën ko myëku'uk t'ëxëëk'ixy, ets tsuuwinma'any yë'ë ko yajnikäjpxy yajnimëtyä'äky xii yaa muum yë pi'tskäjpxy.

Salmos 41:6

Koos xynyimintë ka'ap tëyajtën kyajpxtë; jap wyinma'anyjoty ëxëëk jap myäytyë tyajtë, ko muum nyëjkxtë tääts tmëtyakpëtsëmtë.

Proverbios 14:8

Yë wijyajtën yë'ë wijyjyä'äy tyukja'akyujkëp ma tii tunyën; e yë tsuuja'ay yë'ë nätyukwin'ë'ënëp ko tsyuujëty.

Proverbios 12:17

Ja'ay mëti'ipë tii mëtëy të t'ixyën, mëtëy tii tnimëtyä'äky, e mëti'ipë ka'ap tii të t'ixyën je'eyë nëkoo y'antä'äky.

Proverbios 12:5

Yë wa'ats ja'aytyëjk yë'ë myëmaay myëtajtëp yë tëyajtën jaanty'ajtën; e yë ëxëëkja'aytyëjk yi'iyë myëmaay myëtajtëp wi'ix wyin'ëën wyinxajtëtyën.

Proverbios 11:1

Dios ka'ap t'oyjyawë ko tii kä'pxy kyayajkijpxy, yë'ë oyjya'ap ko tii kä'pxy yajkijpxy.

Proverbios 23:7

jä'ä ko yë jë'kxy pëky mëti'ipë yäjkpyën jëtu'un tä jeexyë waay jap të y'aka'ajën tojkxjoty mëti'ipë yo'kjä'pxpën.

Jeremias 9:4

Yë'ëpaat ka'ap yajtukjotkujk'aty ja jëëky mëku'uk ets ja mëkä'äx, jä'ä ko aak win'ë'ëntëp.

Génesis 34:13

E ja Siquem ka'ap ënety ja näywyinkutsë'kën të tmëët'aty ma ja Dina, paaty ja Jacob ja y'u'unk y'ëna'k mëët ja näwyin'ë'ënën t'ëtsoowtë ja Siquem ets ja tyeety Hamor,

1 Samuel 18:17

Ënet ojts yë Saúl tëkok t'ënëëmë yë David: Nmo'ojëp yë nnëëxës mëjpë mëti'ipë xyëëwajtypyën Merab, ets yë'ë xypyëkëty y'uukëty. Je'eyëp ko ënät, pën mijts mtsiptuunp ets pën jotmëk xëmë myajpaaty ma ja tsipën mëti'ipë yë Wintsën tsyip'ajtypyën. Ja Saúl paaty jëtu'un y'ënäny jä'ä ko tyaa ënety myäy tyäjy ko ka'ap tyimkopkpëkyëty kë'ëm tyaj'ookëty ja David, ja filistejë ja'ayëty yë'ë jëna'a yaj'ookëtëp.

2 Samuel 13:26

Ënet ja Absalón y'ënäny: Pën mijts ka'ap mnëjkxa'any, ënëëmë yë n'ajtyës Amnón ets yë'ë jam yajpaatëty. ¿Wi'ix ko xytsyoky ets Amnón jam yajpaatëty? Jëtu'un ja yajkutujkpë yajtëëwë.

2 Samuel 13:27

Ja Absalón mëktä'äky ojts ja tyeety tjanty'ënëëmë, tääts tkupëjky ets ja myaank Amnón nyëjkxëty ma ja Absalón ja ka'ayën ukën jam të tnipëjktaakën. Absalón mëj ënety ja ka'ayën ukën të tnipëjktaakë jëtu'un tä yë ënä'ämpëtëjkëty kyäytyën y'uuktën,

2 Samuel 20:9

Yë Joab yë'ë mëët yë y'a'oykyë'ë tmajtsë ja Amasá y'atsëjts ets tsu'kxa'any, tääts tyajtëëy: ¿Wi'ix jyäty kyëpety mëkä'äx?

Nehemías 6:2

ënät ojts xynyikäjpxykyäxëtës yë Sambalat ets Guésem, y'ëna'antë koos näpyaatëtëty muum kajpntuuy ma ja joyjotmën ma txëëwatyën Onó. Je'eyëp ko yë'ëjëty jä'ätën ënety të tjatuknipëjktaakëtë ets jeexyë xy'ëxëëktuntës.

Salmos 12:3

Wintsën, wijxë'ëk mëët yë tyikts, mëti'ipë wiinkë'ëy akë'ëy tii nyimëtyäkpyën, ets je'eyë tii tyajmëtoyë,

Salmos 28:3

Këtii xy'a'ixëty etsës jëtu'un njatëty tä yë ëxëëkja'ayëtyën, ka'apës mëpaat näjyëtu'un yë xëëw jëmëjt xytyukminy xytyukkëtä'äky ëxëëk tä jyatën mëti'ipë ëxëëk ëtëtstëp ënantëpën, mëti'ipë wiinkë'ëy akë'ëy oyjyä'äy näpyëjktakëtëpën e jyootjoty wyinma'anyjoty tëkatsy jap myäytyë tyajtë.