Proverbios 26:12 - Biblia Dc en Mixe de Quetzaltepec

¹² Wä'än yë tsuuja'ay jyaak ja'akyukëty, këtiinëm yë ja'ay mëti'ipë wijy näyajnajxëpën.

Biblia Mixe de Quetzaltepec

¹² Wä'än yë tsuuja'ay jyaak ja'akyukëty, këtiinëm yë ja'ay mëti'ipë wijy näyajnajxëpën.

Proverbios 26:12 ပူးပေါင်းရင်းမြစ်များ

Proverbios 12:15

Yë tsuuja'ay jëtu'un myäy tyäjy ko tëkokyë mëti'ipë tyuunpyën aak'oy yë'ë; e yë wijyjyä'äy myëtoow'ijtyp ko yaj'ëëwijy yajkajpxwijy.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

Proverbios 26:16

Yë ja'ay mëti'ipë nuuxën janty ixpëky ni'ik nyäjyawëty këtiinëm wëxtujk yë wijyjyä'äy mëti'ipë tyukjajtëpën y'ëtsowtëty.

Proverbios 26:5

Mëti'ipë ja'ay y'ëtsoopyën ja tsuuja'ay, näjyëtu'un kyëxë'ëky tä ja tsuuja'ayën.

Proverbios 28:11

Yë kumeenyjyä'äy janty ixpëky nyäjyawëty, je'eyëp ko yë ëyoopëja'ay mëti'ipë wijyën tsojk tsyuu'ixëtëty.

Proverbios 28:26

Yi'iyë tsuuja'ay ënaanp ko oy myäy tyäjy; mëti'ipë ja'ay niwijy winë tyuunpyën, ëwaatsëtum nyäyaj'ita'anyë.

Proverbios 29:20

Yë tsuuja'ay wä'än jëna'a wyinma'anytyëkëty, këtiinëm yë ja'ay mëti'ipë je'eyë mëtyakpën ets ka'ap tmëmay tmëtajy mëti'ipë kyäjpxypën.

Proverbios 3:7

Këtii janty wijy mnäyajnaxëtëty. Winkutsë'ëkë yë Dios ets näjyëpëkët ma ja ëxëëkpën.

Isaías 5:21

Janty mon janty tuk miitsëty myajpaatë, jä'ä ko wijy mnäyajnaxëtë.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Lucas 18:11

Ja fariseë ja'ay, tënääpy ja Dios tmëkäjpxy ets në'ix pa'at'ix, jëtu'un y'ënä'äny: Dios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

Lucas 7:44

Ënet ja Jesús t'ijxy ja to'oxytyëjk ets t'ënëmaay ja Simón: ¿M'ijxyp ya'atë to'oxytyëjkë? Nikë tëëjës yë nteky xyajkxo'kë mëët yë wyiin nëë ets wyääy të tukmäxtë'ëtsy; e koos yaa të ntëkë ma mtëjkën, ni nëës mijts të xykyamo'oy ets jeexyë ja ntekyës të npujy.

Juan 9:41

Ets ja Jesús y'ëtsooy: Ko jeexyë miits mwiints'atë, ka'ap jeexyë miits myajpoky'ixtë. Yë'ë ko m'ëna'antë ko m'ixtë paaty myajpoky'ixtë.

Romanos 12:16

Juuky'atë tu'ukyë nixim niyam. Ka'ap amëj akëjxm mja'ay'atëty. Jëtu'un mnäpyëjkta'akëtëty tä janty mëk ëyoopëja'ayën. Ka'ap janty ixpëky mnäyajnaxëtëty.

Apocalipsis 3:17

Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.