Proverbios 25:5 - Biblia Dc en Mixe de Quetzaltepec

⁵ Jëkäx yë ëxëëk ja'ay ma yajkutujkpën, ets mëtëy tunëty ja nipaye'eyën.

Biblia Mixe de Quetzaltepec

⁵ Jëkäx yë ëxëëk ja'ay ma yajkutujkpën, ets mëtëy tunëty ja nipaye'eyën.

Proverbios 25:5 ပူးပေါင်းရင်းမြစ်များ

Proverbios 20:8

Ko tu'uk yë yajkutujkpë tpaaty ja kyutujktakn je'eyë ko wyiinme'eky tääts tyaj'atëkoy ja ëxëëkpë.

Proverbios 16:12

Yë yajkutujkpëtëjk ka'ap oy t'ixtë ko yë ja'ay ëxëëk y'ëti'itsy y'ënä'äny, tu'uk yë kutujktakn ënät oy yajpaaty pën jam'ajtp nänyipaye'eyë.

Proverbios 20:28

Tu'uk yë yajkutujkpë janty mëk jam y'ity ma yajkutukyën, ko tuny winë mëët ja oyjyot oywyinma'any ets mëët ja tëyajtën.

Isaías 16:5

Yë David yë y'u'unk y'ok yë'ë nëjkx tpaaty ja kutujktakn, mëti'ipë yajkutukaanpën mëët ja tëyajtën. Mëtëy nëjkx winë tnipaye'ey, jëtu'un tä y'ixëtyën ja poky ets mëtëy tyaj'ita'any ja ënä'ämën tëyajtën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Proverbios 29:14

Mëti'ipë yajkutujkpë oy ënä'ämpën ma ëyoopëja'aytyëjkën, yë kyutujktakn xëmë tmëët'ata'any.

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënety të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

1 Reyes 2:46

Tä ja yajkutujkpë t'ënëmaay ja Benaías, yë Joiadá myaank ets nëjkx ja Simí tyaj'ooky; tä ja Benaías tsyo'ony ets ojts tjanty yaj'ooky ja Simí. Jëtu'un ojts kyopkpëky ja Salomón ja kyutujkën.

1 Reyes 2:33

Yë Joab yë'ë poky tukëtakpätanëp xëmëkyëjxm, mëët ko y'ooka'any ets näjyëtu'un ja y'u'unk y'ëna'k. E yë'ë ënät, ma ja David ja y'u'unk y'ëna'kën ets ma y'u'unk tyo'oxytyëjkën, xëmë jam y'itëty ja jotkujk'ajtën ets näjyëtu'un jam ma ja kyutujkënën.

1 Reyes 2:45

E yë'ë ënät ja yajkutujkpë Salomón nëjkxëp xëmë ja Wintsën kyënu'kxyë ets ja David ja kyutujktakn xëmëkyëjxm y'itëty jam nWintsënës wyintum.

Proverbios 25:6

Këtii janty mëj mnäyajnaxëtëty ma tu'uk yë yajkutujkpën, ets këtii jam mnaaxwäätsëty ma kopktëjk y'u'unyëtën.