Proverbios 25:2 - Biblia Dc en Mixe de Quetzaltepec

² Dios mëj'äämpy najxp, ko ja'ay tukjaty wi'ix tii yu'utsy tmëët'atëtyën, mëj'äämpy yë yajkutujkpë nyäxy ko twinjawë.

Biblia Mixe de Quetzaltepec

² Tios mëj'äämpy najxp, ko ja'ay tukjaty wi'ix tii yu'utsy tmëët'atëtyën, mëj'äämpy yë yajkutujkpë nyäxy ko twinjawë.

Proverbios 25:2 ပူးပေါင်းရင်းမြစ်များ

Deuteronomio 29:29

Jaaktäänëm mëti'ipë ka'ap yajnijawën winë, yë'ë tëy yë nWintsën'ajtëm Dios nyija'ap, e may näjyëtu'un mëti'ipë tëë nija'awëmën ets tëë tnijawëtë ja u'unk ëna'k ets yajpaatunëty, tä ja ënä'ämën tëyajtënën.

Job 42:3

¿Ëjts pënës yë'ë, etsës n'ëna'anëty ko mijts ka'ap mmëjajtën xymyëëtëty ets nyajkëxë'ëkëtyës yë ntsuuwinma'anyës? Ëjts tëëjës winë nyajtëy mëti'ipës ka'ap oy të nja'akyukën, jä'ä ko jää yë winma'any mëj këjääpë mëti'ipë tsip yaja'akyukën.

Job 38:4

¿Maa ënety mijts myajpaaty koos ojts yë naaxwiinyëtë nyajkojy? Tuk'ëwa'anëkës, pën mijts mjanty nyija'ap winë.

Job 29:16

teetyën ijty xyjyawëtës ja'ay mëti'ipë winë yajmëyajtëpën, kuwaanpë ijty xyjyawëtës yë jaaypyaat jaaypyo'kxy.

Esdras 4:15

wä'än tyajpaye'ey jap nokyjyot yajxon ma ëëts ja nkutujkpëty ja nyoky pëjkë'ëky tyaj'ityën. Ma ënät jap tnikäjpxyën ko ya'atë naax kajpn je'eyë kyäjpxykyutëjy ets ko kutsë'ëkë yajpaaty ma wiinkëtypë ja naax kajpnën ets ko tëëyëp ojts ëxëëk y'ëk'ëtëtstëpë paaty ojts y'ëkkutëkooytyëpë.

Esdras 4:19

e tëëtsës ja ni'ënä'ämë ets tuntëty ja paye'eyën. E janty tëy jëtu'un ojts tääpë ja'ayëty tëëyëp ëxëëk jyänty ëtë'ëtstë, ojts tnikäjpxytyunëtë yë yajkutujkpë kanaak'ok mëti'ipë ojts jya'ënä'äma'antën,

Esdras 5:17

E tyam jëtu'un ëëts yam nja'ënëëmëja'antë ja yajkutujkpë ets jeexyë ja noky yaj'ijxta'ay jampë Babilonyë y'ityën ets yajnijawëty pën janty mëtëy ko yë yajkutujkpë Ciro yë'ë ojts t'ëwa'atsy ets tyajkutuky ets ya'atë Wintsën ja tsyajptëjk yajkoj'oyëty jampë Jerusalén, ets jeexyë ëëts xytyuk'ëwaanëtë ja yajkutujkpë wi'ix të tuknipëjktaakëtë.

Esdras 6:1

Ënet ja yajkutujkpë Darío, ni'ënä'ämëy ets yaj'ixta'ajëty ya'atë noky mëti'ipë pëjkë'ëky yaj'ijtëpën ja Babilonyë ja'ayëty,

Proverbios 25:3

Tsip ets yajnijawëty jënu'un kyëjxmëtyën yë tsajp, jënu'un kyëkëty yë naaxwiinyëtë, ets wi'ix ja jyot wyinma'anyën yë ja'ay mëti'ipë ënä'ämpën yajkutujkpën.

Deuteronomio 29:28

Ets të t'ëxmatsy tääpë naax kajpn ajoot'anë ets wä'än t'ijxnëtë wi'ix jyatë kyëpätë jëtu'un tä tyam yaj'ixy yajkoyën.

2 Samuel 1:5

Tää ja David ojts t'ëtsoy ja ja'ay mëti'ipë ënety ja ayuk të tmëja'tyën. ¿E mijts wi'ix xynyija'apë ko ja Saúl ets ja Jonatán tëë y'ooktë?

2 Samuel 14:19

Ënet ja yajkutujkpë yajtëëwë: ¿Yë Joab, yë'ë jëtu'un të m'ënë'ëmxëty etsës yaa xynyiminëty këtiijë? Ets ja to'oxytyëjk y'ëtsooy: Tyamës yajxon nikäjpxy Wintsën, ko tëy ijxtëm m'ëna'anyën. Tëy ko yë Joab mëti'ipë mijts myajtsiptuunpë wintsën'ajtypyën yë'ëjës të xyjyänty kyexy ets yë'ëjës näjyëtu'un të xynyajtskajpxë ijxtëm yam mijts të n'ënëëmën.

Proverbios 25:27

Ka'ap y'oyëty ko ja'ay kom uuxpa'ak t'uuky, jëtu'un tä ka'ap y'oyëtyën ko ja'ay yi'iyë t'ixta'ay wi'ix mëj'äämpy y'itëtyën ets wi'ix kumay nyaxëtyën.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Dios të xymyo'oyëmë ets yë'ë mëët xynyaxmëtijëmëty.