Proverbios 24:22 - Biblia Dc en Mixe de Quetzaltepec

²² jä'ä ko yë'ëjëty wäänë oy y'itë ets ëxëëk jyata'an kyëpäta'antë, ni pën tkanijawë tii tëytyu'unën mo'ojanëtëp yë Dios mëti'ipë ënä'ämp yajkutujkpën.

Biblia Mixe de Quetzaltepec

²² jä'ä ko yë'ëjëty wäänë oy y'itë ets ëxëëk jyata'an kyëpäta'antë, ni pën tkanijawë tii tëytyu'unën mo'ojanëtëp yë Tios mëti'ipë ënä'ämp yajkutujkpën.

Proverbios 24:22 ပူးပေါင်းရင်းမြစ်များ

1 Reyes 1:49

Ënet ja ja'ayëty tyëjkëtyë tsëyuuypyë mëët ja tsë'ëkë mëti'ipë ënety ja Adonías të twoyën kääpyë ets pyëtë'ktaaytyë, xim yam ojts jyaak kä'äktë jëtu'un tä tyu'upatën.

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.

Proverbios 16:14

Ko tu'uk yë yajkutujkpë jyoot'anpëky, o'kën y'awäämpy; yi'iyë wijyjyä'äy mayëtëp tyajxäämëty ja yajkutujkpë ja y'äkë.

Proverbios 20:2

Ko tu'uk yë yajkutujkpë jyoot'anpëky, jëtu'un tä kaa nyiitsyën; pën yajjoot'anpëkëp jam ënety nyäpyëjktä'äkyë o'kënjëjp'am.

Proverbios 24:16

Yë'ë, oy jëna'ajëty ëxëëk jyäty kyëpety, jotkujkëp jatëkok; e yë ëxëëkja'aytyëjk pën tëë ja ëxëëkpë tyukja'tëtë, nijëna'a kya'ëkjotkujktaknëtëty.

Proverbios 6:15

Paaty yë'ë ajotkumonë ëyo'on jotmay tyukëta'aka'anyë; tu'k ijxmi'kxyë o'ktëy jyata'any, ets ka'ap nëjkx y'ëktsooypyatnë.

Eclesiastés 9:12

Ets ka'ap tii jëna'ajëty nyayajtuk'oyë, ka'ap yajnijawë jëna'a yajtuk'oyëja'any: Jëtu'un tä yë nëë jëyujkën ëkë tä yë joonën muum ajotkumonë kyukäkë ma y'o'ktaknën, näjyëtu'un yë naaxwiinyëtë ja'ay nän ajotkumonë muum y'ëkëty y'ëyo'onpaaty.

Oseas 5:11

Yë Efraín ëxëëk yajtuny, ka'ap yë myëk'ajtën yajwinkutsë'ëkë mëti'ipë ja paat'ajtëpën mëët ko yë'ë të tpanëjkxtëkë yë wiink tios.