Proverbios 24:21 - Biblia Dc en Mixe de Quetzaltepec

²¹ U'unk maay, wiinkutsë'ëkë yë Dios ets yajkutujkpë. Këtii mye'eymyuk mnajxmukëty mëët yë ja'ay mëti'ipë mëtsip'ajtpën;

Biblia Mixe de Quetzaltepec

²¹ U'unk maay, wiinkutsë'ëkë yë Tios ets yajkutujkpë. Këtii mye'eymyuk mnajxmukëty mëët yë ja'ay mëti'ipë mëtsip'ajtpën;

Proverbios 24:21 ပူးပေါင်းရင်းမြစ်များ

Tito 3:1

Tukja'amyäts ja mëpëjkpëtëjkëty ets twintsë'ëkëtëty ja yajkutujkpë ets ja kutuunktëjk, wä'än xëmë winë oy tuntë mëti'ipë yajkutujkpë tuk'ënä'ämëtëpën.

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

Mateo 22:21

Tääts y'ëtsoowtë: Ja yajkutujkpë. Ënet ja Jesús y'ëtsoowëtë: Mo'otë yë yajkutujkpë mëti'ipë jyä'ä'ajtypyën ets mo'otë Dios mëti'ipë paat'ajtëpën.

Éxodo 14:31

Ko ja Israel ja'ayëty t'ijxtë ja Dios ja myëj'ajtën mëti'ipë tyuunën ma ja Egiptë ja'ayëtyën, ënät ja Dios tmëjja'awëtyë ets tmooytyë ja näywyinkutsë'kën, tä ojts jam tu'ukyë timpyëjkta'aktë ja wyinma'anyëty ma yë'ëjën ets näjyëtu'un ma ja tyuunpën Moisés.

1 Samuel 24:6

ets t'ënëmaay ja jyä'äy: Tiosës xypyutëkëp ets ka'apës wi'ix ntunëty yë Saúl, yë nwintsënës mëti'ipë yajkutujkpën. Pën yajkutujkpë yajpaaty, yë'ëkyëjxm yajkutuky mëët ko yë Wintsën të wyin'ixyë.

2 Samuel 18:8

Ja tsip yajxon ojts myëktaknë mëjwiin këjää jä'ä xëëw, ja yukjot ni'ik ja ojts yaja'ay'o'knë këtiinëm jyëtu'unëty ja tujn pujxn.

1 Reyes 1:49

Ënet ja ja'ayëty tyëjkëtyë tsëyuuypyë mëët ja tsë'ëkë mëti'ipë ënety ja Adonías të twoyën kääpyë ets pyëtë'ktaaytyë, xim yam ojts jyaak kä'äktë jëtu'un tä tyu'upatën.

Proverbios 17:11

Yë ëxëëk ja'ay yi'iyë y'ixtääpy ma tsyiptunëtyën, koonëm tpaaty mëti'ipë ëxëëk tuunëpën.

Proverbios 23:17

Këtii xy'ëxëëk ixëty yë pokyjyä'äytyëjk; nikë yë'ë xëmë Dios yajmëjnax;