Proverbios 24:17 - Biblia Dc en Mixe de Quetzaltepec

¹⁷ Këtii xytyukxoonta'akëty ets ka'ap jää mxëëwtunëty ko ënety ja mmëtsip kyëtäy kyëpipy ets ëxëëk jyäty kyëpety,

Biblia Mixe de Quetzaltepec

¹⁷ Këtii xytyukxoonta'akëty ets ka'ap jää mxëëwtunëty ko ënäty ja mmëtsip kyëtäy kyëpipy ets ëxëëk jyäty kyëpety,

Proverbios 24:17 ပူးပေါင်းရင်းမြစ်များ

Abdías 1:12

Ka'ap jeexyë ojts xytyukxoontä'äky yë m'uty ko o'ktëy jyäjty kyëpejty ets ka'ap jeexyë ojts xytyukxoontä'äky yë Judá ja'ayëty ko xit ko'ow jyajtë ets ka'ap jeexyë ojts xynyëxi'iky xytyukxi'iky ma ënety jë'ë ya'ax yajpaatën.

Job 31:29

Ka'apës nijëna'a yë nmëtsip të ntukxoontä'äky ko ëxëëk të jyäty të kyëpety ets oy tii ëyo'on jeexyë të nyimiinëtë.

Proverbios 17:5

Pën nyëxikpy tyukxikpy yë ëyoopëja'ay, yë'ë myëtëkoopy mëti'ipë winë yajkojën; mëti'ipë tyukxoontäkpyën ko tyuuntëkoy ka'ap jëtu'unyë nyinaxa'any, koonëm tkumëtowëty.

Salmos 42:10

Jëtu'unës yë nwaay mpajk pyëjknë y'atoonë koos xyajjoot'anpëktë yë nmëtsiptëjk, ets janaam jatsojk xyajtëwtës: ¿Ma ënät ja mTios?

Salmos 35:19

Ka'apës mëpaat yë nmëtsip xytyukxoontä'äky, ka'ap mëpaat wyinmä'äktë mëti'ipës nëkookyëjxm xytsyip'ijxtëpën.

Salmos 35:15

E koos ënät näjyëtu'un të xytyukka'ay ja ëxëëkpë, tu'kë'ëyë yë'ëjëty je'eyës të xynyëxi'ik të xytyukxi'iktë; jëtu'un tä jeexyë ka'ap n'ixy'atënës ëkë tä jaaypyaat jaaypyo'kxyën; ëxëëkës të xytyuntë janaam jatsojk.

Jueces 16:25

E janty jotkujk ënety nyäyjyawëtë, ënät ojts y'ëna'antë ets ja Sansón tmëmintëty ets tukxi'ika'an tuk'ëwë'ëka'antë. Tä tjanty jyu'të jap pujxn tëkoty ets yajxon t'ëktukxik t'ëktuk'ëwë'ktë; jam tënääytyaktë itkujky ma mäjtsk yë xeny yajpaatyën mëti'ipë ja mëjtëjk myajts'ijtypyën.

2 Samuel 3:32

Jam tyajnaaxtëjkëtyë Hebrón, jamts ja David tyëjkëy jëëpyë yaxpë, mëët ko ja Abner ënety të y'o'knë ets näjyëtu'un ja mayjyä'äyëty ko t'ijxtë ja David jyi'iy yä'äxy tääts näjyëtu'un tyëjkëtyë jëëpyë yaxpë.

Proverbios 24:18

jä'ä ko yë Dios ka'ap t'oyjyawëty ko jëtu'un t'ixëty, yë tsyip y'äkë nëjkxëp jam tjëëpëky ma yë'ëjën.

Miqueas 7:8

Naax kajpn mëti'ipës mëët nämyëtsip'atyën, këtii xytyukxoontä'äkyës koos o'ktëy njatëty, jä'ä ko tëëjës nkëtay je'eyëp ko pëtë'ëkaanpës jatëkok; oyës yë kootsajtën xyajnatuky, yë Wintsën yë'ëjës nkutë'kxën'ajtyp.