Proverbios 24:16 - Biblia Dc en Mixe de Quetzaltepec

¹⁶ Yë'ë, oy jëna'ajëty ëxëëk jyäty kyëpety, jotkujkëp jatëkok; e yë ëxëëkja'aytyëjk pën tëë ja ëxëëkpë tyukja'tëtë, nijëna'a kya'ëkjotkujktaknëtëty.

Biblia Mixe de Quetzaltepec

¹⁶ Yë'ë, oy jëna'ajëty ëxëëk jyäty kyëpety, jotkujkëp jatëkok; e yë ëxëëkja'aytyëjk pën tëë ja ëxëëkpë tyukja'tëtë, nijëna'a kya'ëkjotkujktaknëtëty.

Proverbios 24:16 ပူးပေါင်းရင်းမြစ်များ

Salmos 34:19

Yë ja'ay mëti'ipë oy juukyajtpën kanaakpëky yë ëxëëkpë tmënaxy tyajnaxy, e yë Wintsën yë'ë putëjkëyëp ma tëkokyë ëxëëkpën.

Salmos 37:24

wä'än jëtää kyunäpëty, je'eyëp ko ka'ap kyëtawa'any, jä'ä ko Wintsën yë'ë majts'ijtëp kyë'ëkëjxm.

Job 5:19

Yë'ë, xëmë myajtso'oka'anyë, janaam jatsojk, ka'ap wi'ix mjata'any.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Proverbios 13:17

Mëti'ipë ja'ay ëxëëk yë aaw ayuk myëjëtijtypyën, je'eyë muum amay jotmay tyajkëxë'ëky; e mëti'ipë ja'ay oy yë aaw ayuk myëjëtijtypyën, yë'ë jatëkok yajjotkujktakp.

Amós 5:2

Ja Israel kajpn mëti'ipë ënety oy tsujën ets wa'ats yajpatpën, o'ktëy të jyäty. Tëë jyëpijpkëtä'äky kyë'ëm naaxjoty ets ka'ap pën wyijtsë'ëkyë.

Salmos 52:5

Dios yë'ë nëjkx näjyëtu'un myajkutëkoyë xëmëkyëjxm; nëjkxëp myajpëtsëmyë ma mjëën mtëjkën ets m'ixkäxëtëty, nëjkxëp ja mjuukyajtën mpëjkxëty.

1 Samuel 26:10

Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënety ja o'kën tyukja'tyë, ëkë ko ënety jam y'ooky tyëkoy tsipjotm.

Salmos 7:16

Ja y'ëxëëk'ajtën ets ja tsyiptu'un tsipkajpxën, kyëpajkëjxy kya'ataja'any.

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënety të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.

Amós 8:14

Mëti'ipë ënety të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

1 Samuel 31:4

Paaty t'ënëmaay ja tyuunpë: Juut yë mpujxn ets yaj'o'kës, këtiipë yë'ë mmëtsip xyaj'ookëtyës ets ënät je'eyë xytyukxi'ik xytyuk'ëwë'ëktëtyës. Ja tyuunpë ka'ap yaj'okanë, jä'ä ko nän tsë'këp ënety näjyëtu'un. Paatykyëjxm yë Saúl ojts kë'ëm tyimnäyaj'ookyë mëët ja kyë'ëmpujxn

Salmos 34:21

Yë ëxëëkja'aytyëjkëty y'ëxëëk winma'any kë'ëm nätyuk yaj'o'këtëp; mëti'ipë y'ëxëëk'ijxypyën ja ja'ay oypyë jyuuky'atën kopkpëky ko nëjkx yajtëytyuny.

Salmos 79:12

Mijts Wintsën, wëxtujk ok näjyëtu'un ëxëëk xytyunëty yë nmëjëën nmëtëjkëtyës ko mëj të myajjoot'anpëkyë;

Proverbios 6:15

Paaty yë'ë ajotkumonë ëyo'on jotmay tyukëta'aka'anyë; tu'k ijxmi'kxyë o'ktëy jyata'any, ets ka'ap nëjkx y'ëktsooypyatnë.

Proverbios 24:22

jä'ä ko yë'ëjëty wäänë oy y'itë ets ëxëëk jyata'an kyëpäta'antë, ni pën tkanijawë tii tëytyu'unën mo'ojanëtëp yë Dios mëti'ipë ënä'ämp yajkutujkpën.

Jeremias 8:4

Mijts Jeremías, tukmëtow ya'atë aaw ayuk yë naax kajpn maas mijts xykyutänën: Ko tu'uk yë ja'ay kyëtäy, pëtë'kp jatëkok; ko tu'uk yë ja'ay tyu'utëkoy, winpijtp jatëkok.

Jeremias 18:17

Jëtu'un tä yë jëënpoj tyajpojwä'kxyën winë mëti'ipë tso'onpën xëëwpëtsëmtsyow, jëtu'unës yë Israel ja'ay nwojpwa'kxa'antë ets tkukä'äktëty yë myëtsip. Ko yajtëytyunëty, ka'apës mpa'ëyowa'any ets ka'apës mputëkëja'any.

Génesis 19:35

Jä'ä tsu'um ojts ja tyeety jatëkok t'a'uukëtë ets ojts tyajmuktëkoyëtë, ënät ja mutskpë nyäkyo'kë mëët ja tyeety. Ja tyeety ka'ap tja'awëy wi'ix ojts tpuki'itë ets wi'ix ojts tpuki'tutkojnëpë.

Proverbios 13:21

Yë pokyjyä'äytyëjkëty jëtu'un yë ëxëëkpë tyimpajëtitëtë. E yë wa'ats ja'aytyëjk yë'ë kyuma'ayën'atantëp yë oyajtën.

Ezequiel 7:5

Ëjts, Wintsën, jëtu'unës n'ëna'any: Ix, tää wyinkony ja ëyo'on ets kanaak myiny; wiinkoonp ma mijts mkëxa'any mtuka'anyën.