Proverbios 24:14 - Biblia Dc en Mixe de Quetzaltepec

¹⁴ Jëtu'un janty pa'akwijtsnë jyawë yë wijyajtën ets nija'awën. Ko xypyaatëty, aak'oy nëjkx winë mwinpëtsë'ëm mjëjp pëtsë'ëmxëty, mëti'ipë ënety mëmääpy mëtäjpyën xypyata'any, nëjkxëp xypyääty ets nijëna'a nëjkx kyakutëkoy.

Biblia Mixe de Quetzaltepec

¹⁴ Jëtu'un janty pa'akwijtsnë jyawë yë wijyajtën ets nija'awën. Ko xypyaatëty, aak'oy nëjkx winë mwinpëtsë'ëm mjëjp pëtsë'ëmxëty, mëti'ipë ënäty mëmääpy mëtäjpyën xypyata'any, nëjkxëp xypyääty ets nijëna'a nëjkx kyakutëkoy.

Proverbios 24:14 ပူးပေါင်းရင်းမြစ်များ

Salmos 119:103

Janty pa'akës njawë xy'atëkë yë m'aaw m'ayuk ko tii xynyikäjpxy ka'ap jyëtu'unëty yë uuxpa'ak.

Salmos 119:111

Ëjts jëtu'unës njawë yë m'ënä'ämën mtëyajtën tä tu'uk yë kuma'ayënën winë xëëw winë jëmëjtpë y'ityën, jä'ä ko yë'ëjëty yajjotkujkëp yë njot nwinma'anyës.

Proverbios 16:24

Ko ja'ay oy xyony y'ity, jëtu'un yajjawë tä uuxpa'akën. Tyimyajpa'akëtyääpy yowë jot winma'any, ets tyimyaj'ajä'ämëp yajjawë jot mëjaaw.

Proverbios 2:10

Yë mjot mwinma'any ujts nëjkx y'ity mëët yë wijyajtën, ets ja nija'awën yë'ë nëjkx tyajjotkujktä'äky yë mjot mwinma'any.

Proverbios 22:18

Tää xy'ëk'ixëty ko janty'oy nëjkx mnäjyawëty, ko jap xyajwë'ëmëty mjootjoty mwinma'anyjoty ets yaj'a'ëw yaj'akajpxëty.

Proverbios 23:18

jëtu'un oy tsuj ja mjot mwinma'any wyimpëtsëm jyëjpëtsëmëty, ets xypyaatëty mëti'ipë m'a'ijxy mjëjp'ijxypyën.

Jeremias 15:16

Koos ijty xymyëkäjpxy, jëtu'unës ja m'aaw m'ayuk njawë tä ja'ay tii tjë'kxyën; yë m'aaw m'ayuk jotkujkës ijty xyajnäjyawëty, jä'ä ko mijtsës xyjyä'ä'ajtp, Wintsën mëti'ipë maaytyääyëpën winë.

Mateo 19:21

Ets ja Jesús y'ëtsooy: Pën oy mjuuky'ata'any ijxtëm yë Dios tsokyën, nëjkx to'kta'a tu'kë'ëyë tiijaty mmëët'ajtypyën ets xymyo'ojëty yë ëyoopëja'aytyëjk. Jëtu'un ja kuma'ayën xypyaatëty tsajpjotm. Tääts ënät mminëty, etsës xypyatsoonëty.

Santiago 1:25

E ja ja'ay mëti'ipë ka'ap tja'atyëkoyën mëti'ipë të tmëtoyën, tu'ukyë ja wyinma'any tpëjktä'äky wi'ix y'ënä'änyën ja ënä'ämën tëyajtën mëti'ipë yajnitsokpën ets xëmë tpatun, jotkujk xëmë y'ita'any.