Proverbios 23:18 - Biblia Dc en Mixe de Quetzaltepec

¹⁸ jëtu'un oy tsuj ja mjot mwinma'any wyimpëtsëm jyëjpëtsëmëty, ets xypyaatëty mëti'ipë m'a'ijxy mjëjp'ijxypyën.

Biblia Mixe de Quetzaltepec

¹⁸ jëtu'un oy tsuj ja mjot mwinma'any wyimpëtsëm jyëjpëtsëmëty, ets xypyaatëty mëti'ipë m'a'ijxy mjëjp'ijxypyën.

Proverbios 23:18 ပူးပေါင်းရင်းမြစ်များ

Salmos 19:11

Ya'atë mëtuunpë oy ko jëtu'unpë aaw ayuk yajtukmëtoy, ets oy nyäjyawëty ko tpatuny.

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Salmos 58:11

Ënet ja käjpxy y'ëna'ana'any: Nik oy'ajtp ko oy winë ntu'unmëty. Jä'ä ko tää tu'uk yë Dios mëti'ipë winë nyipaye'epyën.

Salmos 9:18

Yë'ë ka'ap tja'atyëkoyä'äny ja mëti'ipë ëyoop jotëkoopyën, ets ëyoopëja'aytyëjk pyaatantëp ja mëti'ipë y'a'ijx jyëjp'ijxtëpën.

Proverbios 24:14

Jëtu'un janty pa'akwijtsnë jyawë yë wijyajtën ets nija'awën. Ko xypyaatëty, aak'oy nëjkx winë mwinpëtsë'ëm mjëjp pëtsë'ëmxëty, mëti'ipë ënety mëmääpy mëtäjpyën xypyata'any, nëjkxëp xypyääty ets nijëna'a nëjkx kyakutëkoy.

Proverbios 24:20

Jä'ä ko yë'ëjëty ka'ap oy kyëxa'antë; Yë ëxëëk ja'ay jëtu'un pyitsa'any tä tu'uk kutë'kxnën.

Jeremias 29:11

Ëjts nija'ap wi'ixës nimay nitajën winë mëët miitsëty ets oy mjuuky'atëty ka'ap y'ëxëëkëty, jotkujk myajpaatëty. Ëjts Wintsën, ëjts ënaanp.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Filipenses 1:20

Njëjp'ijxypës ëmuumtu'ukjot ko ka'apës ntsëtyu'unpaata'any, ni'ikyës xymyo'oja'any ja Dios ja mëk'ajtën wi'ix yajmëjjaw yajjaantyjäwëtyën ja Kristë, oyës n'ookëty ëkë njuuky'atëtyës.

Hebreos 10:35

Paaty miitsëty jam xypyëjkta'aktëty ja mjot mwinma'anyëty ma Tiosën. Yë'ë nëjkx këjää mmo'ojëtë ja kuma'ayën.