Proverbios 22:7 - Biblia Dc en Mixe de Quetzaltepec

⁷ Ma ja ëyoopëja'aytyëjkën, ja kumeenyjyä'äy jä'ä jam ënä'ämp; ets ma ja'ayëtyën mëti'ipë nu'kxtëpën, yë'ë jam ënä'ämp ja mëti'ipë yajnu'kxpën.

Biblia Mixe de Quetzaltepec

⁷ Ma ja ëyoopëja'aytyëjkën, ja kumeenyjyä'äy jä'ä jam ënä'ämp; ets ma ja'ayëtyën mëti'ipë nu'kxtëpën, yë'ë jam ënä'ämp ja mëti'ipë yajnu'kxpën.

Proverbios 22:7 ပူးပေါင်းရင်းမြစ်များ

2 Reyes 4:1

Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënety të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

Proverbios 14:31

Ja'ay mëti'ipë wyojpy kyä'tsypyën yë ëyoopëja'ay, Dios myëtëkoopy mëti'ipë të yajkojyën; e mëti'ipë pya'ëyoopyën yë ëyoopëja'ay, yajmëjnajxëp yë Dios.

Proverbios 18:23

Yë ëyoopëja'ay jëëytyakp nu'kxtakp ko kyäjpxy; e yë kumeenyjyä'äy, amëj akëjxm y'ëtsoy.

Proverbios 22:16

Mëti'ipë ja'ay pyëjkëpën tii yë ëyoopëja'ay ets nyäyajkumeenytya'aka'anyë mëk ëyoopëja'ay y'awinpita'any.

Proverbios 22:22

Këtii yë ëyoopëja'ay o'ktëy xytyunëty mëët yë'ë ko y'ëyoy jyotëkoy, ets ni yë'ë ëxëëk xykyatun xykya'ënëëmëty mëti'ipë ka'ap tjëkyepyën nyäkyuwa'anëtëty,

Isaías 24:2

Tu'knax tpaata'antë ja ëyo'on jotmay, wä'än tpënëty: teety, naax kajpn, yajmëtuunpë, mëtuunpë, wintaj, wintsën, juupyë këpäjtpë, ato'k ayajkpë, yajnu'kxpë ets mëti'ipë nu'kxpën, mëti'ipë kakëpäjtpën ets mëti'ipë kayajmëkëpäjtpën.

Amós 2:6

Jëtu'un yë Wintsën y'ënä'äny: Yë Israel ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty nyito'ktëp yë ja'ay ka'apë tii tuuntëkoyën ets mäjtsktä'änkën je'eyë kë'ëk yajtukwin'ëëntë këtiipë tnipaye'eytyëty ja oyoopë ja'ay.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Amós 8:4

Mëtoow'itë ya'atë aaw ayuk, miitsëty mëti'ipë myaj'ëyoowtëpën ets mtëytyuuntëpën yë ëyoopëja'aytyëjk ets o'ktëy xytyuntë xy'ënëëmëtë ja'ay mëti'ipë yu'unk naxym ja'ay'ajtëpën ma naax kajpnën;

Amós 8:6

Yajxon o'ktëy n'ëktu'unmëty yë ëyoopëja'aytyëjk ets kë'ëm xynyimi'inmëty ets nyätyookëtëty ma ëëtsajtëmën ets tuunpë nwa'anmëty ets ka'ap nmëju'uymyëty, je'eyë mëk njanty yajtu'unmëty ets jëtu'un tkëpätëty ja nyu'kxyëty, oy ënety tu'ktä'änkën je'eyë ja kë'ëk të tnu'kxy. Yë'ëpaat nëjkx ntukmëto'këmë ja tsajpmok ak.

Mateo 18:25

Ja ja'ay ka'ap ënety tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

Santiago 2:6

miitsëty jëtu'un ja'ay mtimy'ixëtë ka'ap yowë nitii xykyëjxm'atë. ¿Këtii yë'ëjëty kumeenyjyä'äytyëjk je'eyë mëk myajtunëtë ets ka'ap kä'pxy mëjuyëtë, ni'ikyënëm mwitsëtë mjëtutëtë ets mni'ëën mnipëjktsowëtë?

Santiago 5:1

Mëtowtë miits, kumeenyjyä'äyëty. Mëjë'ë mëya'axtë ja m'ëyo'on mjotmayëty mëti'ipë mpaatantëpën.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.