Proverbios 22:6 - Biblia Dc en Mixe de Quetzaltepec

⁶ Yaj'ijxpëk ja u'unk ëna'k tyam ma myutsk'atyën, ko myëjja'ayëty, ka'ap nëjkx tsuu yajpaaty.

Biblia Mixe de Quetzaltepec

⁶ Yaj'ijxpëk ja u'unk ëna'k tyam ma myutsk'atyën, ko myëjja'ayëty, ka'ap nëjkx tsuu yajpaaty.

Proverbios 22:6 ပူးပေါင်းရင်းမြစ်များ

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Efesios 6:4

Miits taak teetyëty ka'ap m'u'unk m'ëna'k xyajjoot'anpëktëty, ëëwij kajpxwijtë yajxon ets tuk'ix tuknijawëtë wi'ix tuntëty mëti'ipë Wintsën tsyojkpyën.

Deuteronomio 11:19

Yë m'u'unk m'ëna'këty nëjkxëp xytyuk'ëwaanëtë ets xytyukni''ixëtë ya'atë aaw ayuk, wä'än tjamëty ma mjëën mtëjkëtyën, ma në'ë tu'ujën, ëkë ma ënety ma'ajan mpo'kxanëtën; näjyëtu'un ko ënety ma'aypyëtë'ëktë.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 6:7

ets xytyukni''ixëty xëmë ja m'u'unk m'ëna'k, mtukmëmëtya'akëp oy jyapëty tëkoty, në'ë'am tu'u'am; ko ma'ajan mpo'kxanëty ets ko ma'aypyëtë'ëkëty.

2 Timoteo 3:15

Ja'amyäts ko mutsknëm të xynyijawë ja Dios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

Jueces 13:12

Ënet ja Manoa y'ënäny: Ko ënety y'atëy tä të m'ëna'anyën, ¿Tii ëëts ntuntëp mëët yë'ë?

1 Samuel 1:28

Ëjts tëëjës ntuknipëjktaakë, koos yë'ë Wintsën nkë'ëmo'oja'any maapaat jyuuky'ätyën, jëtu'un yë'ë tmëtunëty ja Wintsën. Ënet ja teety Eli nyäkyoxtënaaytyakë ets wyintäky nyaaxkooy, tkukajpxë ja Wintsën.

1 Samuel 2:26

E ja Samuel yä'kp päjtp ja ni'ikyë ets mëti'ipë tyuunpyën y'oy'ijxyp ja Wintsën ets näjyëtu'un ja ja'ayëty.