Proverbios 22:18 - Biblia Dc en Mixe de Quetzaltepec

¹⁸ Tää xy'ëk'ixëty ko janty'oy nëjkx mnäjyawëty, ko jap xyajwë'ëmëty mjootjoty mwinma'anyjoty ets yaj'a'ëw yaj'akajpxëty.

Biblia Mixe de Quetzaltepec

¹⁸ Tää xy'ëk'ixëty ko janty'oy nëjkx mnäjyawëty, ko jap xyajwë'ëmëty mjootjoty mwinma'anyjoty ets yaj'a'ëw yaj'akajpxëty.

Proverbios 22:18 ပူးပေါင်းရင်းမြစ်များ

Salmos 119:103

Janty pa'akës njawë xy'atëkë yë m'aaw m'ayuk ko tii xynyikäjpxy ka'ap jyëtu'unëty yë uuxpa'ak.

Salmos 119:111

Ëjts jëtu'unës njawë yë m'ënä'ämën mtëyajtën tä tu'uk yë kuma'ayënën winë xëëw winë jëmëjtpë y'ityën, jä'ä ko yë'ëjëty yajjotkujkëp yë njot nwinma'anyës.

Salmos 119:13

Nnikajpxäämpy nnimëtya'akäämpyës tëkokyë yë m'aaw m'ayuk mëti'ipë mnikäjpxypën.

Salmos 119:162

Ëjts janty jotkujkës nnäjyawëty koos të xytyukwinwanë winë, jëtu'unës nnäjyawëty tääjës jeexyë yë pu'ts pujxn muum may të npaatyën.

Salmos 119:171

Mëët yë n'aawës mijts nmëjpëjktä'äky, jä'ä ko tëës xytyukni''ixë yë m'ënä'ämën mtëyajtën.

Salmos 19:10

Tsoowpatp ni'ik këtiinëm jyëtu'unëty yë pu'ts pujxn. Ni'ik pya'akëty këtiinëm yë jompya'ak.

Proverbios 10:13

Yë wijyjyä'äy yë'ë kyäjpxyp wijyajtën; yë tsuuja'ay jëtu'un tjawë tä jeexyë yajëkuwopën mëët yë kepy.

Proverbios 10:21

Yë wa'ats ja'ay ko kyäjpxy, may yë ja'ay tyaj'ijxpëky; e yë tsuuja'ay ëxëëk nyäjyawëty ko ka'ap tii tjaty tnijawë.

Proverbios 15:7

Yë wijyjyä'äytyëjk yajye'eywya'kxtëp yë wijyajtën ko myëtya'aktë, e yë ëxëëkja'aytyëjk tii y'ëkyajwa'kxtëp ijxtëm myäytyën tyajtën.

Proverbios 16:21

Pën winë yajxon myëmääpy myëtäjpyën, jä'ä yajtijy wijyjyä'äy; yë oypyë tsujpë xo'onën ijtën, pojën yë ja'ay tja'akyukë.

Proverbios 2:10

Yë mjot mwinma'any ujts nëjkx y'ity mëët yë wijyajtën, ets ja nija'awën yë'ë nëjkx tyajjotkujktä'äky yë mjot mwinma'any.

Proverbios 22:19

Tyam ntuknikexy ets jam tu'ukyë xypyëjkta'akëty yë mjot mwinma'any ma Tiosën.

Proverbios 25:11

Ko ja'ay jää tii tnikäjpxy ma ja aaw ayuk myëyätyën, jëtu'un nyäxy tä ujts tëëmën mëti'ipë aak pu'ts pujxnën ets mëët y'ijxëntëkë ja poop pujxn.

Proverbios 3:17

Ko yë'ë mpanëjkxmëty janty'oy wyimpëtsëmy jyëjpëtsëmy. Ets ko jam njuuky'ajtmëty ma jëtu'unpë ja në'ë aaw tu'u'aawën janty akujk jotkujk nyajpatmëty.

Proverbios 4:20

U'unk maay, ijxkuk ja'akyukë yë n'aaw n'ayukës ets mëtoow'it yajxon.

Proverbios 4:21

Këtii nijëna'a xyajtëkoyëty, yajwë'ëm jap mwinma'anyjoty.

Proverbios 8:6

Ja'aykyukëtë ya'atë, tyam ntukmëmëtya'aka'antë tu'uk ja winma'any, mëti'ipë ka'ap tjëkyepyën pën tjëjpmëkajpxëty.

Jeremias 15:16

Koos ijty xymyëkäjpxy, jëtu'unës ja m'aaw m'ayuk njawë tä ja'ay tii tjë'kxyën; yë m'aaw m'ayuk jotkujkës ijty xyajnäjyawëty, jä'ä ko mijtsës xyjyä'ä'ajtp, Wintsën mëti'ipë maaytyääyëpën winë.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Juan 7:38

Ets y'atëwëty ijxtëm jap kuja'ay myinyën: Mëti'ipë mëpëjkpën jëtu'un jap y'aawjoty jyotjoy yajpaata'any ijxtëm jeexyë ja komnëë jap myuutyën mëti'ipë yajjuuky'ajtpën.

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.