Proverbios 22:14 - Biblia Dc en Mixe de Quetzaltepec

¹⁴ Yë wiink to'oxytyëjk jëtu'un npëjktakmëty tä mëjjutën ma kyuka'anaxtën yë ja'ayëty mëti'ipë Dios të tpokyën.

Biblia Mixe de Quetzaltepec

¹⁴ Yë wiink to'oxytyëjk jëtu'un npëjktakmëty tä mëjjutën ma kyuka'anaxtën yë ja'ayëty mëti'ipë Tios të tpokyën.

Proverbios 22:14 ပူးပေါင်းရင်းမြစ်များ

Nehemías 13:26

Yë'ë jëtu'un ojts yë Salomón tpoky'äty mëti'ipë yajkutujkën ma Israel kajpnën. E oy nja'ijxmëty ja yajkutujkpë Salomón ka'ap pën myëpatë ijxtëm yë'ë yajkutujkyën ets ko ja nTios'ajtëmë mëk tsyojkë jya'awëy ets pyëjktakë ma ja Israel kajpnën ets jam yajkutukëty, e oy jyajëtu'un'ajty yë to'oxytyëjkëty mëti'ipë wiink naax wiink kajpn yajtso'onën yë'ëtsën ojts yajpokytyunyë.

Salmos 81:12

Paatyës të ntimy'ëxmatsy, wä'än t'ixtë tii tyuuntëp, ets jëtu'un të jyuuky'atë ijxtëm yë'ëjëty t'oyjyawëtën.

Proverbios 23:27

Jä'ä ko yë wiink to'oxytyëjk ets ja mëti'ipë jyot nyini'kx tyo'kpyën, jëtu'un yë'ë tä tu'uk nëëjutën axu'utspë.

Eclesiastés 7:26

Tëës npaaty tu'uk yë winma'any mëti'ipë yajma'typën yë juukyajtën: tu'uk yë to'oxytyëjk mëti'ipë yë jot winma'any je'eyë tyuk'ëyi'kpyën ets tyajjaty yë aaw jot tsumpyën xotypyën. Mëti'ipë ja'ay jyä'ämyejtsypyën yë Dios kyukä'äkëp yë jëtu'unpë, e mëti'ipë najtspëkë ja'ay'ajtpën poj'am jam kya'ajëty.

Deuteronomio 32:19

Ko yë Dios jëtu'un t'ijxy ojts jyoot'anpëky ets ojts näjyëtu'un timjyä'ätyëkooynyë ja y'u'unk y'ëna'k ye'etyëjk to'oxytyëjkpë,