Proverbios 21:31 - Biblia Dc en Mixe de Quetzaltepec

³¹ Yë ja'ay ko nyëjkxa'any tsiptuunpë jëyëjp tnipëjktaakë yë kwaay; e yë Dios yë'ë y'ëwatsyp ko ja'ay myëtä'äky tsipjoty.

Biblia Mixe de Quetzaltepec

³¹ Yë ja'ay ko nyëjkxa'any tsiptuunpë jëyëjp tnipëjktaakë yë kwaay; e yë Tios yë'ë y'ëwatsyp ko ja'ay myëtä'äky tsipjoty.

Proverbios 21:31 ပူးပေါင်းရင်းမြစ်များ

2 Samuel 23:12

E ja Samá tu'ukyë jam wya'ak'o'oyëy xëjk kamjotm ets tkuwany ja nyaax kyajpn, ojts yë'ë myëtä'äky, yajkäktaay ja filistejë ja'ayëty. Jëtu'un ja Wintsën ojts myëtä'äky jä'ä xëëw.

Salmos 144:10

Mijts myajmëtäkpy yë yajkutujkpëtëjk jam tsipjotm; tëë xyajtso'oky yë mtuunpë David, mijtsës xyajtso'okëp ma ja'ayëtyën mëti'ipës xyaj'ookantëpën, kuwaankës ma ja'ayëtyën ka'apës n'ixy'ätyën, mëti'ipë win'ë'ëntëpën, mëti'ipë y'a'oykyë'ë xyajjë'ktëpën awin'ëënë ko waantakën tuntë.

Salmos 147:10

Yë Wintsën ka'ap yë'ëkyëjxmëty jotkujk nyäjyawëty ko yë kwaay kyumëjaawëty ëkë ko yë naaxwiinyëtë ja'ay jyotmëkëty;

Salmos 20:7

Tää mëti'ipë yë'ë tyuk'ijxpäjtëp ko tmëët'atë kepy wintëkäämpë mëti'ipë myëtsiptuuntëpën, ets tä wiinkëtypë mëti'ipë yë'ë tyuk'ijxpäjtëpën ko tmëët'atë kwaay, e ëëtsajtëm yë'ë ntuk'ijxpäjtëm ko yajpaaty yë Wintsën mëët ëëtsajtëm.

Salmos 20:8

Yë'ëjëty, wäänë muum tyä'äntsi'ita'antë tääts y'ojtskëta'aka'antë, e ëëtsajtëm ta'tspëky ntänëja'anëmë.

Salmos 3:3

E mijts, Wintsën, mijtsës xy'akëëytyujkp xy'axajtujkp; mijtsës xytyukpatp ja mëj'ajt oyajtën ets mijtsës jatëkok xyajjotkujktakp.

Salmos 3:8

Mijts Wintsën mijts myajtsokp; kënu'kx yë mnaax mkajpn.

Salmos 68:20

Yë Dios, mëti'ipë nTios'ajtëmën yajnitsokp yë'ë, ets yë'ë mëti'ipë xyjyu'tmëpën o'këntuuy.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Jeremias 3:23

Ni maas nkatuk'oy'atë koos jam muum nëjkxtë tunkëjxm kopkkëjxm jëëpyë yaxpë ëkë yaxpë jojkpë; jam ma Wintsënën mëti'ipës nTios'ajtëpën, yë Israel ja'ayëty pyatëp ja nitsokën.

1 Corintios 15:57

Yajkukajpxëp ja Dios ko ja myëk'ajtën tyäky Wintsën Jesukristë mëët ets ja o'kën ka'ap xymyëmëtakmëty.