Proverbios 21:21 - Biblia Dc en Mixe de Quetzaltepec

²¹ Mëti'ipë y'ixtääpyën ja tëy'ajtën ets mëtëypyë, pyätyp ja juuky'ajtën ets mëj'ajtën.

Biblia Mixe de Quetzaltepec

²¹ Mëti'ipë y'ixtääpyën ja tëy'ajtën ets mëtëypyë, pyätyp ja juuky'ajtën ets mëj'ajtën.

Proverbios 21:21 ပူးပေါင်းရင်းမြစ်များ

Salmos 112:4

Jëtu'un jyäjy tyi'kxy tä jëënën akootstuuy ets yajkutë'kxtë ja ja'ay mëti'ipë oy juuky'ajtëpën, mëti'ipë pa'ëyoopën, mëti'ipë oy nipaye'epyën ets mëtëy winë tuny.

Proverbios 10:16

Yë oyjyä'äy, yë'ë kyuma'ayën'ajtyp yë juukyajtën; yë ëxëëk ja'ay, yë'ë kyuma'ayën'ajtyp yë poky.

Proverbios 11:19

Ko ja mëtëypyë ja nipaye'eyën jä'ä npanëjkxmëty, jam xyajnëjkxmëty ma juukyajtën yajpaatyën; e ko ëxëëkpë npanëjkxmëty, jam xyajnëjkxmëty ma ja o'kën yajpaatyën.

Proverbios 15:9

Dios ka'ap nijënu'un t'oy'ixy wi'ix yë ëxëëkja'aytyëjk y'ëtë'ëtstën y'ëna'antën; e tsyojkpy mëti'ipë mëtëy juukyajtpën.

Proverbios 22:4

Yë yu'unk'ajt naxym'ajtën ets ma Tiosën, yë'ë myëmiinpy yajmiimpy yë kuwit'ajt kumeenyajtën, jotkujk'ajtën ets ja juukyajtën.

Proverbios 3:22

Yë'ë nëjkx myajjuuky'ätyë ets oy myajkëxë'ëka'anyë, jëtu'un tä yë ja'ay oy yajkëxë'ëkyën yë wit tujkxy.

Isaías 51:1

Jëtu'un ja Wintsën y'ënä'äny: Mëtowtë ya'atë aaw ayuk miitsëty ninu'un xytsyojkën'atën ja oypyë juukyajtën Ixtë ja tsaa maa ojts yajnëpu'uyën ets maa ojts yajmëpëtsëmyën.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Filipenses 3:12

Ka'apës n'ëna'any ko tëëjës tu'kë'ëyë npaataaynyë ëkë koos wa'ats ja'ay nyajpatnë ijxtëm ja Dios tsokyën. Yäjtsp pojpnëmës ets ja Kristë Jesús mpaata'anyës ijxtëmës yë'ë ëka'any të xypyäätyën.

1 Tesalonicenses 5:21

Ijxmajtsta'atë tu'kë'ëyë ja ëxëëkpë, yë oypyë yë'ë myajwë'ëmtëp.

1 Timoteo 6:11

E mijts Timoteo, Dios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.