Proverbios 20:3 - Biblia Dc en Mixe de Quetzaltepec

³ Kumay yë ja'ay nyäxy mëti'ipë jëtu'unyë yajxe'empyën yë näy'ojë, je'eyëp ko ka'ap tyëkoy'äty yë tsuuja'ay mëti'ipë jatëkok yajtso'ontäkpyën.

Biblia Mixe de Quetzaltepec

³ Kumay yë ja'ay nyäxy mëti'ipë jëtu'unyë yajxe'empyën yë näy'ojë, je'eyëp ko ka'ap tyëkoy'äty yë tsuuja'ay mëti'ipë jatëkok yajtso'ontäkpyën.

Proverbios 20:3 ပူးပေါင်းရင်းမြစ်များ

Génesis 13:7

Jä'ä ko mëti'ipë ënety jëyujkëwent'ajtpën tsajpkääky kyëwent'ajtëpën ma ja Abramën, xëmë nyäy'ojtëtë mëët ja mëti'ipë jëyujkëwent'ajtp tsajpkääky kyëwent'ajtëpën ma ja Lotën. E yë Canaán ja'ayëty ets Ferez ja'ayëty tam ënety näjyëtu'unëty.

Génesis 13:8

Paaty ojts tu'kxëëw tu'kjëmëjt Abram yë tsyojkmaank Lot t'ënëëmë: Mijts ets ëjts tu'kmëku'uk'ajtëm ëtsajtëm. Paaty ka'ap y'oyëty ko nämyëjëën'ajt nämyëtsip'ajtëmëty. Yë ntuunpë'ajtëm ka'ap mëpaat nyämyëjëën'at nyamyëtsip'atëtë.

2 Reyes 14:9

E ja Joás tyaa y'ëtsoowinpijtë: mijts ko jëtu'un m'ëna'any jëtu'un tpaaty tä Tu'uk yë ujts u'unk t'ënëmaayën tu'uk yë mëj kepy jampë yajpaatyën Líbano: Mo'o yë mnëëx yë nmaankës ets yë'ë to'oxytyëjk'atëty. E ko ojts tu'uk nyäxy yë mëj ujtsjëyujk jëtu'unyë tkutä'änë'ky ja ujts'u'unk.

Proverbios 14:17

Mëti'ipë ja'ay ka'ap myä'kxtukyën, nëkooyë pën tnipëtë'ëky; mëti'ipë jëyëjp winë myëmääpy myëtäjpyën, ka'ap tii ajotkumonë tuny.

Proverbios 14:29

Ko yë ja'ay y'ëwxity myä'kxtuky, wijyajtën yajnikëxë'kpy; e ko yë ja'ay ka'ap myä'kxtuky, tsuu'at yajnikëxë'kpy.

Proverbios 16:32

Tsoowpatp ni'ik ëwxijt mä'kxtujkën, ets këtiinëm ko ja'ay jyotmëkëty. Tsoowpatp ni'ik ko ja'ay nyäy'awijtsë'ëkyë, ets këtiinëm ko ja'ay naax kajpn tmëmëtä'äky.

Proverbios 17:14

Tä nëë kyomyën, jëtu'un yë tsip yaj'ixy ko tsyo'ontä'äky; e oy wyimpëtsëmy ko yajkuke'eky ets këtii ko ja'ay tsyiptëkë.

Proverbios 18:6

Yë tsuuja'ay ko ka'ap tmajts'ity yë wyiin y'aaw, ëxëëk tmëjaty. Mëët ko ka'ap tukjaty wi'ix kyajpxëty myëtya'akëty yajxon muum yajwinkoxy.

Proverbios 19:11

Yë wijyajtën jam nyikëxë'ëky ko ja'ay myä'kxtuky oy jyoot'anpëky, ets mëj'äämpy ja'ay nyäxy ko ka'ap tmëjpëjktä'äky oy pën y'ëxëëkmëkäjpxyë.

Proverbios 21:24

Nämyëja'aw näjyääntyja'awëpë, ets ëxëëk ja'ay ka'oyjyä'äy yajtijy mëti'ipë mëj këjxm ja'ay'ajtpën.

Proverbios 26:17

Mëti'ipë ja'ay tsiptuktëjkëpën, jëtu'un nyäxy tä jeexyë tu'uk yë uk tyatskëjxy tmatsyën.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Santiago 3:14

E pën miitsëty je'eyë mnämyëtsip'atëtë, mnäyajjoot'anpëkëtë ets tsipkyëjxm winë xytyuntë; ko jëtu'un m'ëtë'ëtstëty tii mjanätyukmëjjawëtëp, ja tëyajtën ënety mkawinkutsëkëtyëp.

Santiago 4:1

¿Ma jëtää ja tsip tsyoony mëti'ipë miits mtuuntëpën? Jap tsyoony ma ja mjot mwinma'anyëtyën ko winë xytyätytsyojkën'atë.