Proverbios 20:18 - Biblia Dc en Mixe de Quetzaltepec

¹⁸ Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Biblia Mixe de Quetzaltepec

¹⁸ Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Proverbios 20:18 ပူးပေါင်းရင်းမြစ်များ

Proverbios 24:6

Jëtu'un ko yë tsip yajniwinmayë, jëyëjp yë ja'ay yajxon tmëmay tmëtajy; e ko pën myëtä'äky jam tsipjotm, paatykyëjxm myëtä'äky jä'ä ko nyimay'atë mëti'ipë najts'ë'ëw najtskajpxëtëpën.

Lucas 14:31

Näyjyëtu'un tu'uk ja yajkutujkpë, pën tsiptunaanp mëët wiinkpë yajkutujkpë, ¿Ka'ap jëtää jëwyiin tmëmay tmëtajëty pën mëpaat twinkuwa'akë ja myëtsip mëti'ipë myëët'ajtypyën i'px mil ja tsyiptuunpë, ets yë'ë je'eyë tmëët'aty nimajk mil?

Proverbios 15:22

Ko ka'ap ja'ay tii yajxon tnëtëy tyajtëy, ka'ap oytyuunk pyëtsimy, yë tuunk oy wyimpëtsëmy ko kanaak yë ëëwij kajpxwijpë.

Proverbios 11:14

Pën tu'uk yë yajkutujkpë ka'ap oy y'ëne'emy, yë naax kajpn o'ktëy jyäty kyëpety; ënät winë oy wyimpëtsëmy jyëjpëtsëmy ko nyimay'atë mëti'ipë najts'ë'ëw najtskajpxëtëpën.

Jueces 20:18

Tä yë Israel ja'ayëty jam tsyo'ontë ets ojts nyëjkxtë jam Betel, yë'ë nyijawëjantë pën ja Dios ënety wyin'ijxyp ets tnitëkëty ja Benjamín ja'ayëty. Yë Wintsën yë'ë wyin'ijx yë Judá ja'ayëty ets tsyiptunëty mëët ja Benjamín ja'ayëty.

Jueces 20:7

E tyam miits yam ntuknipëjktëp ets xy'ixtëty tii mtuuntëp, xymyëmay xymyëtajtëty wi'ix mëpaat xynyipaye'eytyë.

Proverbios 25:8

këtii ënätyë xynyikajpxëty ma ja yajkutujkpëtëjkën, jä'ä ko tsojk wiinkpë ja'ay myinëty mëti'ipë tii të t'ixyën ets myaj'ënëëka'ajëtëty ets ka'ap xy'ëknija'awënëty wi'ix m'ëna'anëtyën.

Jueces 9:29

Kooxyëp ëjts jeexyë n'ëk'ëne'emy, poj'amës jeexyë yë Abimélec nyajkutëkoy ets näjyëtu'un y'ënäny: Ëk'ix mijts Abimélec, yajmujkta'a yë mtsiptuunpëtëjk ets min ntsiptuny mëët ëjts.

Jueces 19:30

E ko t'ijxtë ja Israel ja'ayëty ja jëtu'unpë ja nini'kx tsujktä'äkpyë, ënät y'ënantë: Maju'unëm ntso'onëmën jap Egiptë, ka'ap maa jëtu'unpë n'ijxëm. Kopkpëky ko nmëma'ay nmëtajmëty tii mëpaat ntu'unëmë mëët ya'atë të tyuny të jyätyën.

1 Reyes 1:12

Paaty yam n'ënëëmë minëty, tyam nmo'oja'any tu'uk yë kajpxwijën, tii mëpaat xytyuntën ets mtso'oktëty mëët yë maank Salomón.

2 Reyes 18:20

¿Ëkë jä'äjën m'ëna'any ko ja aaw ayuk oypyë yajmëtoyën näjyëtu'un yë tsyowpaaty tä ja jot winma'anyën mëti'ipë yajmëët'ajtpën ko ja jëën tsip yajniwinmayë? ¿Pën mtuk'ijxpejtyp ets ënät ka'ap mëj xy'ëk'ijxnëtyës?