Proverbios 2:6 - Biblia Dc en Mixe de Quetzaltepec

⁶ Dios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Biblia Mixe de Quetzaltepec

⁶ Tios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Proverbios 2:6 ပူးပေါင်းရင်းမြစ်များ

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

Salmos 119:98

Yë m'ënä'ämën mtëyajtën ëjts yë njä'ä'ajtyp xëmë. Jaakwäänë ni'ikës të xyajwijytyä'äky këtiinëm jyëtu'unëty yë nmëtsiptëjkës.

Job 32:8

Oy jyayajnijawë ko tu'kë'ëyë ja'ay aak myëët'ajtyp ja jot winma'any, jä'ä ko yë mëti'ipë maaytyääyëpën winë tëë tmo'oy nitu'ukjaty yë ja'ay wi'ixjaty myäyëty tyajëtyën.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Isaías 54:13

Nëjkxëp yë m'u'unk m'ëna'k nyaj'ijxpëjkta'atës ets aak jotkujk nëjkx y'itë.

Juan 6:45

Jëtu'un ja Dios ja kyäjpxynyajxpë y'ënantë: Ni'ëmukë ja Dios tyaj'ijxpëka'any. Paaty mëti'ipë myëtoow'ijtëpën ja Dios Teety ets tjatë mëti'ipë tuk'ijxpëjkëtëpën, ëjts xynyimiintëp.

1 Reyes 3:12

tyamës ntunëty tä të xy'amëtoyën: nmo'ojäämpy ja wijy'ajtën kujk'ajtën ets ja ixpëkyajtën këtiinëm jyëtu'un'atë mëti'ipë të jyuuky'atën ets mëti'ipë juuky'atantëpnëm.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Salmos 119:104

Ma m'ënä'ämën mtëyajtën të nyajpëtsëmyës yë ijxkujk ja'aykyujkën, paaty n'ëxëëk'ixyës ja ëxëëktu'un ëxëëk kajpxën.

Daniel 2:23

Mijts Dios, mëti'ipë Tyiosajtën yë nteety n'apës, tyam nkukajpxë nja'awëkyëtä'äky ets tyam ntukxoontä'äky, jä'ä ko mijts tëëjës xyajwijtyä'äky ets tëëjës xymyo'oy yë wijyajtën; e mijts tëëjës ënät xytyuknijawë mëti'ipë të n'amëtowtën: Tëës xytyuknijawëtë mëti'ipë ënety ja yajkutujkpë myëmääpy myëtäjpyën.

Daniel 1:17

Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

1 Reyes 4:29

Yë Wintsën ojts mëk tkënu'kxy yë Salomón mëët ja wijyajtën kujk'ajtën ets ja ijxkujk ja'aykyujkën mëjwiinpë këjääpë mëti'ipë ka'ap pën tmëpaatëtyën.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

Proverbios 6:23

Mëtëy yë'ë ko yë ënä'ämën tëyajtën ets ijxpëjkën xëmë tyi'kxy jyäjy. Ko tii nyajtukmëkajpxmëty ets ko nyaj'ëëwij nyajkajpxwijmëty, jëtu'un tä ntu'upatmëtyën ma juukyajtënën.

Salmos 19:7

Yë Wintsën yë y'ijxpëjkën tëy yë'ë, jä'ä ko yäjkpy jempyë juukyajtën. Yë Wintsën yë y'ënä'ämën aak tëyajtën yë'ë, paaty yë ja'ay mëti'ipë yu'unk naxym juukyajtpën wijy tyaj'awinpity.

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

Éxodo 31:3

tëëjës nmo'oy yë nmëk'ajtënës n'oyajtënës ets wijyajtën kujk'ajtën ets ja'aykyujkën ets nija'awën wi'ix winë oy t'oytyunëtyën.

1 Crónicas 22:12

Mmo'ojëtëp ja Wintsën ja wijyajtën kejyajtën, ko ënety mooyënë ja kutujktakn, mijts, mpatunëp yë mWintsën yë y'ënä'ämën kyutujkën.

Nehemías 7:5

Ënätës ja Dios xy'ënëmaay etsës nyajtu'ukmujkta'ajëty ja ja'ay mëti'ipë ijtëpën ma ja nyaax kyajpnëtyën, ja kutuunktëjkëty ets ja naax kajpn ets tu'uk kyojëty ja noky ma yajjaaypyajta'atëty ja ja'ayëty, japts ma nokyën ojts yajpaaty ja ja'ayxyëëwëty mëti'ipë ënety tëëyëp të jya'tën. Ets jap myiinta'ay ja ja'ayxyëëw:

Job 22:22

Wä'än yë'ë mtukni''ixëty winë, jap mjootjoty mwinma'anyjoty pëjkta'ak yë y'aaw y'ayuk.

Salmos 51:6

Tëyajtën ko mijts yë'ë mtsojkpy mja'ap yë jot winma'any mëti'ipë wa'atsën ets mëtëyën, mijtsës yë wijyajtën të xymyo'oy mëti'ipë yu'utsypyaat yajpatpën.

Eclesiastés 2:26

Yë Dios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënety nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

1 Reyes 10:24

Oy tyimmaajëty aak y'ixantëp ja Salomón ets aak myëtoow'itantëp ja y'aaw y'ayuk mëti'ipë kyäjpxy myëtyäkpyën mëët ja wijyajtën ets ixpëkyajtën mëti'ipë ja Wintsën mooyëpën.

Esdras 7:25

E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.

Job 12:13

Je'eyëp ko Dios ni'ik yë wyijyëty ets maaytyääyëp winë; yë'ë winë tyuknipëjktakëp ets tuny.

Job 12:16

Yë myëk'ajtën yë'ë xëmë yajmëtakëp. Aakjam yajpata'atë yë ja'ayëty mëti'ipë win'ë'ëntëpën ets mëti'ipë yajwin'ë'ëntëpën.

Salmos 19:8

Yë Wintsën yë y'ënä'ämën wa'ats yë'ë, paaty tyajminy yë xoontakën ma jot winma'anyën. Yë Wintsën yë y'ënä'ämën yë'ë mëti'ipë oyën, paaty oy yaj'ixy ko yajpatuny.

Salmos 94:10

¿Wä'än jëtää ka'ap tyiytyunyë mëti'ipë naax kajpn tyukumëtoopyën ko tii tuuntëkoyë? ¿Wä'än jëtää ka'ap jyä'äkyukë mëti'ipë naax kajpn winë tyuk'ijxpëjkpyënë?

Salmos 119:34

Mooykyës yë wij'ajt kujk'ajtën wi'ixës mpëjkë'ëkëty yë m'ijxpëjkën; yë'ëjës nmëmëtowäämpy ëmuumtu'ukjot.